જામનગરના શંકરટેકરી મોટા પાણીના ટાંકા પાસે રહેતી મહિલાના મકાનમાં આરોપીઓએ ગેરકાયદે પ્રવેશી સામાન વેરવિખેર કરી તોડફોડ કરી હતી તેમજ માતા-પુત્ર સહિત 3ને અપશબ્દો કહયા હતા.

જામનગરના શંકરટેકરી પાણીના ટાંકા પાસે રહેતી જુલીબેન અશ્ર્વીનભાઇ ચુડાસમા (ઉ.વ.38)ના મકાનમાં ગત તા. 13ના રો આરોપીઓએ ગેરકાયદે પ્રવેશ કરી તેણીના ઘરનો સામાન વેરવિખેર કરી નાખી તેમજ તોડફોડ કરીને નુકશાન પહોચાડયુ હતું. આરોપી ઉમંગે ફરીયાદીના પુત્ર અભીને જાનથી મારી નાખવાની ધમકી આપીને ત્રણેય આરોપીઓએ ફરીયાદી તથા અભી અને બિરેન્દ્રકુમારને અપશબ્દો કહયા હતા. આ બનાવ અંગે જુલીબેન દ્વારા બે દિવસ પહેલા સીટી-સીમાં શંકરટેકરીમાં રહેતા ઉમંગ મંગી, પાયલબેન મંગી અને રેખાબેન મંગીની વિરુઘ્ધ ફરીયાદ નોંધાવી હતી.