આખી દુનિયા મચ્છરોથી પરેશાન છે. હવામાન ગમે તે હોય, જો સાંજે પાર્કમાં અથવા ટેરેસ પર ઉભા હોવ તો મચ્છર ઘેરી લે છે. તેમના કરડવાથી માત્ર ખંજવાળ આવતી નથી, પણ ઘણી ગંભીર બીમારીઓ પણ ફેલાય છે. હવે સવાલ એ ઊભો થાય છે કે જો મચ્છરોની આ સમસ્યા છે તો પછી કોઈ દેશ તેમને લેબમાં તૈયાર કરીને બહાર કેમ છોડે  છે?

અહેવાલ મુજબ આફ્રિકન દેશ જીબુટીની લેબમાં લાખો મચ્છરો તૈયાર કરીને બહાર છોડવામાં આવ્યા છે. જોકે  આવું પહેલીવાર નથી થયું. આ પહેલા પણ આવું કરવામાં આવ્યું હતું.

જે મચ્છરો લેબમાં તૈયાર કરવામાં આવે છે અને બહાર છોડવામાં આવે છે તે આનુવંશિક રીતે સંશોધિત કરવામાં આવે છે અને બહાર ગયા પછી તે મચ્છરની એક પ્રજાતિને રોકવાનું કામ કરે છે જે મેલેરિયાનો રોગ ફેલાવે છે. બહાર છોડવામાં આવતા એનોફીલીસ સ્ટીફેન્સી મચ્છરની ખાસ વાત એ છે કે તેઓ કરડતા નથી. વૈજ્ઞાનિકોનું માનવું છે કે મચ્છર વહન કરતા મેલેરિયાનો સામનો કરવાનો આ એક સારો રસ્તો છે. સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) કહે છે કે આ ટેકનિક અગાઉ બ્રાઝિલ, કેમેન આઇલેન્ડ, પનામા અને ભારતમાં અજમાવવામાં આવી હતી અને તે ઘણી સફળ રહી હતી.

આ મચ્છરો પર અમેરિકાની સીડીસીનું કહેવું છે કે વર્ષ 2019 પછી સમગ્ર વિશ્વમાં આવા એક અબજથી વધુ મચ્છરો ખુલ્લામાં ફરી રહ્યા છે જેને લેબમાં તૈયાર કરવામાં આવ્યા છે. જીબુટીમાં છોડવામાં આવેલા નોફેલ્સ સ્ટીફેન્સી મચ્છરને બ્રિટિશ બાયોટેકનોલોજી કંપની ઓક્સિટેક દ્વારા વિકસાવવામાં આવ્યા છે. હવે વિચારતા હશો કે આ મચ્છરોનું શું કામ છે અને તેઓ પોતાનું મિશન કેવી રીતે પૂરું કરે છે. આ મચ્છરોમાં એક જનીન હોય છે, જે માદા મચ્છરોને પુખ્ત થતા પહેલા જ મારી નાખે છે.