પુણે રોડ અકસ્માત કેસમાં તપાસ ચાલી રહી છે. એક દિવસ અગાઉ પોલીસે સંભાજીનગરમાંથી તેની અટકાયત કરી હતી. રવિવારે સવારે બનેલી આ ઘટનામાં એક યુવક અને યુવતીના મોત થયા હતા. આરોપીને જુવેનાઈલ જસ્ટિસ બોર્ડ એટલે કે જેજેબી દ્વારા નિબંધ લખવા અને 15 દિવસ સુધી પોલીસ સાથે કામ કરવા જેવી શરતો પર જામીન આપવામાં આવ્યા હતા.

કોણ છે વિશાલ અગ્રવાલ?

કહેવામાં આવી રહ્યું છે કે અગ્રવાલ પુણેના મોટા રિયલ એસ્ટેટ ડેવલપર છે. તેમની કંપનીનું નામ બ્રહ્મા કોર્પ છે. એક મીડિયા રિપોર્ટ અનુસાર, આ કંપની વિશાલના દાદા બ્રહ્મદત્ત અગ્રવાલે શરૂ કરી હતી. જ્યારથી આ કંપનીની કમાન વિશાલના હાથમાં આવી છે ત્યારથી તેમાં ઘણી પ્રગતિ જોવા મળી રહી છે.રિપોર્ટ અનુસાર આ કંપનીની સંપત્તિ અંદાજે 601 કરોડ રૂપિયા છે. વડગાંવ શેરી, ખરાડી અને વિમાન નગરમાં બ્રહ્મા કોર્પના ઘણા મોટા હાઉસિંગ પ્રોજેક્ટ ચાલી રહ્યા છે. અહેવાલ છે કે આ કંપનીએ શેરેટોન ગ્રાન્ડ અને રેસિડેન્સી ક્લબ જેવી મોટી ઇમારતો પણ બનાવી છે. આ ઉપરાંત, અગ્રવાલ પરિવાર બ્રહ્મા મલ્ટીસ્પેસ અને બ્રહ્મા મલ્ટિકોનનો પણ માલિક છે, જેણે શહેરમાં ફાઇવ સ્ટાર હોટેલ્સ બનાવી છે.

પબ પર પણ કાર્યવાહી

અહીં પોલીસે સગીર આરોપીઓને દારૂ પીરસવા બદલ પબના માલિક અને મેનેજર સામે પણ કાર્યવાહી હાથ ધરી છે. પોલીસે કોજી અને બ્લેક મેરિયોટ ક્લબને સીલ કરી દીધા હોવાના અહેવાલ છે. સોશિયલ મીડિયા પર વાયરલ થયેલા સીસીટીવી ફૂટેજમાં સગીર આરોપી દારૂ પીતો જોવા મળે છે.