બાંગ્લાદેશમાં તખ્તાપલટ બાદ શેખ હસીનાએ બાંગ્લાદેશ છોડી દીધું છે અને હાલ ભારતમાં છે. કહેવામાં આવી રહ્યું છે કે અહીંથી શેખ હસીના લંડન અથવા ફિનલેન્ડ જઈ શકે છે. શેખ હસીનાની સાથે તેની બહેન શેખ રેહાના પણ છે. શેખ હસીના પોતાની બહેન સાથે લંડનમાં શરણ લેવાની તૈયારી કરી રહી છે. શું જાણો છો કે તેમની બહેન કોણ છે અને પરિવારના રાજકારણમાં તેમનું કેટલું યોગદાન છે? આ બધા સવાલોના જવાબ સાથે જાણો કે લંડન સાથે તેમનું શું કનેક્શન છે?  જેના કારણે શેખ હસીના લંડન શિફ્ટ થવા માંગે છે?

કોણ છે શેખ રેહાના?

શેખ રેહાના શેખ હસીનાની નાની બહેન છે. જો કે શેખ હસીનાના પરિવારના અન્ય સભ્યો પણ હતા, પરંતુ તે બધાની 1975માં હત્યા કરવામાં આવી હતી. બાંગ્લાદેશમાં વર્ષ 1975માં આવું જ કંઈક થયું હતું અને તે સમયે પ્રદર્શનકારીઓએ શેખ હસીનાના પિતા શેખ મુજીબુર રહેમાન અને તેની માતા અને ત્રણ પુત્રોની હત્યા કરી નાખી હતી. આ સમય દરમિયાન શેખ હસીના બાંગ્લાદેશમાં નહોતી અને તેના પતિ વાજિદ મિયાં અને નાની બહેન શેખ રેહાના સાથે જર્મનીમાં હતી. જેના કારણે બંને બહેનોનો જીવ બચી ગયો હતો.

રેહાનાનો જન્મ 13 સપ્ટેમ્બર 1955ના રોજ થયો હતો અને તે બાંગ્લાદેશના પિતા તરીકે ઓળખાતા શેખ મુજીબુર રહેમાનના પરિવારની સૌથી નાની પુત્રી છે. શેખ રેહાનાનું પ્રારંભિક શિક્ષણ લખાઈ શાહીન સ્કૂલમાંથી થયું હતું. 1971માં જ્યારે બાંગ્લાદેશનું મુક્તિ યુદ્ધ શરૂ થયું ત્યારે પાકિસ્તાની સેનાએ શેખ રેહાનાને પણ નજરકેદ કરી દીધી હતી.

તેણીના પરિવારના કેટલાક સભ્યોની હત્યા થયા બાદ તે 1975માં જર્મનીથી ભારત આવી હતી. તે સમયે બંને બહેનો લગભગ 6 વર્ષથી ભારતમાં રહી હતી. આ પછી તે બાંગ્લાદેશ ગઇ. રેહાના ભલે પારિવારિક પાર્ટીમાં સક્રિય ન હતી પરંતુ તેણે પડદા પાછળ પાર્ટી માટે ઘણું કામ કર્યું છે.

શેખ રેહાનાએ 1975માં તેના પિતાની હત્યાનો મુદ્દો વૈશ્વિક મંચ પર ઘણી વખત ઉઠાવ્યો હતો. તેમણે 1979માં સ્ટોકહોમ, સ્વીડનમાં એક આંતરરાષ્ટ્રીય પરિષદમાં આંતરરાષ્ટ્રીય માંગ તરીકે ખૂનીઓ સામે પગલાં ઉઠાવ્યા.

આ પછી 10 મે, 1979 ના રોજ  તેમણે ઓલ-યુરોપિયન બકશાલ કોન્ફરન્સમાં ભાષણ આપ્યું.  જેના પછી તેમને વૈશ્વિક સ્તરે ઓળખ મળી. યુરોપિયન દેશોના વડાઓ, સંયુક્ત રાષ્ટ્રના વડાઓ અને આંતરરાષ્ટ્રીય NGOના ઘણા વરિષ્ઠ લોકોએ આ સંમેલનમાં ભાગ લીધો હતો.

શેખ રેહાનાના લગ્ન શફીક સિદ્દીકી સાથે થયા હતા, જેમણે શિક્ષણના ક્ષેત્રમાં મહત્વનું યોગદાન આપ્યું હોવાનું માનવામાં આવે છે. શફીદ સિદ્દીકી ઢાકા યુનિવર્સિટીમાં પ્રોફેસર રહી ચૂક્યા છે અને ઢાકા કોમર્સ કોલેજની ગવર્નિંગ બોડીના અધ્યક્ષ પણ છે. રેહાનાને ત્રણ બાળકો છે - એક પુત્ર અને બે પુત્રી. તેમના પુત્રનું નામ રદવાન સિદ્દીકી છે જ્યારે પુત્રીનું નામ તુલી સિદ્દીકી અને અજમીના છે.

રદવાન ઢાકામાં જ એક આંતરરાષ્ટ્રીય સંસ્થામાં કામ કરે છે. અવામી લીગની સંશોધન સંસ્થામાં પણ તેમનું મહત્વનું યોગદાન છે. તે જ સમયે તેમની મોટી પુત્રી તુલિપ સિદ્દીક લેબર પાર્ટી તરફથી બ્રિટિશ સંસદની સભ્ય છે.