પેરિસ ઓલિમ્પિક 2024માં નિરાશા હોવા છતાં, વિનેશ ફોગાટનું ભારત પરત ફરવા પર ઉષ્માભર્યું સ્વાગત કરવામાં આવ્યું હતું. વિનેશ જ્યારે 50 કિલોગ્રામ મહિલા કુસ્તીની ફાઇનલમાં અયોગ્યતાનો સામનો કરીને દિલ્હી પહોંચી ત્યારે તેના સ્વાગત માટે એરપોર્ટ પર હજારો લોકો હાજર હતા. તેના ગામ બલાલી પહોંચવામાં લગભગ 13 કલાકનો સમય લાગ્યો, જ્યાં તેના પરિવાર અને ગ્રામજનોએ ખૂબ પ્રેમથી તેનું સ્વાગત કર્યું હતું.

વિનેશ ફોગાટે રક્ષાબંધનના તહેવારની ઉજવણી કરી હતી. વિનેશે ભાઈ હરવિંદર ફોગટને રાખડી બાંધી હતી. આ અવસર પર તેના ભાઈએ તેને એક ખાસ ભેટ આપી છે.

તે ખાસ ભેટ શું છે?

વિનેશ ફોગાટે વિડિયોમાં ગિફ્ટ વિશે ફની કમેન્ટ કરી છે, જે વાયરલ થઈ રહી છે. વીડિયોમાં વિનેશને 500 રૂપિયાની નોટના બંડલ સાથે જોઈ શકાય છે. આના પર વિનેશે હસીને કહ્યું "હવે હું 30 વર્ષની થઈ ગઈ છું. ગયા વર્ષે મારા ભાઈએ મને 500 રૂપિયા આપ્યા અને આ વખતે નોટોની બંડલ બતાવીને તેણે મને તેના આખા જીવનની કમાણી આપી દીધી છે." આ ભેટ પર તેના ભાઈનું સ્મિત પણ જોવા જેવું હતું.