ઉપલેટા નગરપાલિકાની ચૂંટણી ડિકલેર થતાં સમગ્ર શહેરની નજર વોર્ડ નં.9 પંચહાટડી વિસ્તાર તરફ મંડાયેલ હતી. કારણ કે આ વિસ્તારના સેવાભાવી હિંગોરા પરિવારના ચોથા સભ્ય નગરસેવક બનવા જઇ રહ્યા હતાં. ચૂંટણી પરિણામ આવતા તેને જવલંત વિજય થયો છે.
ગઇકાલે મતગણતરી હાથ ધરાતા વોર્ડ નં.9માં કોંગ્રેસની પેનલના રેશ્માબેન રિવાજભાઇ હિંગોરા વોર્ડમાં સૌથી વધુ મત મેળવતા તેમનો જવલંત વિજય થયો હતો. તેમજ ગુલામબાપુ સૈયદ અને રીઝવાના ખાંટનો વિજય થયો હતો. અત્રે ઉલ્લ ેખનીય છે કે વોર્ડ નં.9માં ઉમેદવારો ચૂંટણી લડી રહ્યા હતાં તેમાં સમસ્ત મેમણ જમાતના સેક્રેટરી આરીફ શકુર નાથાણી, ઓલ ઇન્ડિયા મેમણ જમાત ફેડરેશનના ઝોનલ સેક્રેટરી સલીમભાઇ સાબુવાળાના પુત્ર શકુર બાટવાવાલા, મેમણ જમાત સ્કુલ બોર્ડના પૂર્વ ચેરમેન તોફીકભાઇ બકાલી, સમસ્ત મેમણ જમાત કારોબારીના પૂર્વ સભ્ય રશીદભાઇ શિવાણી, પૂર્વ નગર સેવક ફેમિદાબેન શેખ સહિત સમાજવાદી પાર્ટી, આમ આદમી પાર્ટી, ભારતીય જનતા પાર્ટીના ઉમેદવારોને હારનો સામનો કરવો પડયો હતો. વોર્ડ નં.9માં સમાજ શ્રેષ્ઠ ીઓની હાર થતાં મતદારો માત્ર કામ કરતા માણસોને જ મત આપે છે તે સાબિત થઇ ગયું છે. ચૂંટણી ટાણે નીકળી પડતા લોકોને મતદારો જાકારો આપે છે.