વિક્કી કૌશલે જટાધારી અવતારમાં કર્યું જંગલમાં મંગલ

બોલિવૂડના શાનદાર એક્ટર વિક્કી કૌશલ પોતાની એક્ટિંગથી હંમેશા ફેન્સને ફિદા કરી દેતા હોય છે. કમાલની ફિલ્મોને લઇને ફેન્સને હંમેશા ઇમ્પ્રેસ કરી દેતા હોય છે. હાલમાં વાત કરવામાં આવે તો સૈમ બહાદુરે લોકોનું દિલ જીતી લીધુ હતુ. ફિલ્મ બોક્સ ઓફિસ પર કંઇ કમાલ કરી શકી ન હતી, પરંતુ એક્ટિંગ દમદાર હતી. વિક્કી કૌશલની કેટલીક તસવીરો હાલમાં સોશિયલ મીડિયામાં વાયરલ થઇ રહી છે. આ તસવીરોમાં એક્ટર કંઇક અલગ અંદાજમાં જોવા મળી રહ્યો છે. આ તસવીરમાં એક્ટર જટાધારીના અવતારમાં નજરે પડી રહ્યો છે. આ સાથે જંગલમાં ફરતો જોવા મળે છે. 

સૈમ બહાદુરના રિલીઝ થયા પછી વિક્કી કૌશલની આગામી ફિલ્મ ઐતહાસિક ડ્રામા છાવા: ધ ગ્રેટ વોરિયરને લઇને ફેન્સ સુપર એક્સાઇટેડ છે. લક્ષ્મણ ઉતેકર દ્રારા નિર્દેશિત આ ફિલ્મમાં અભિનેતા છત્રપતિ સંભાજી મહારાજની ભૂમિકામાં નજરે પડશે. ફિલ્મ સાથે જોડાયેલી ખબરોને લઇને ફેન્સના મનમાં અનેક ઘણાં સવાલો થઇ રહ્યા છે. આ વચ્ચે છાવાના સેટ પરથી એક્ટરનો લુક લીક થયો છે.

વાયરલ તસવીરોમાં વિક્કી કૌશલ બેઝ રંગના આઉટફિટમાં નજરે પડે છે અને કમર પર લાલ કપડુ બાંધેલુ છે. આ સાથે ગળામાં માળા પહેરી છે. છત્રપતિ સંભાજી મહારાજની ભૂમિકામાં ફિટ બેસવા માટે અભિનેતાએ લાંબા દાઢી અને મૂછો પણ રાખી છે. આ સાથે એક્ટરના વાળ પણ લાંબા દેખાઇ રહ્યા છે. સેટ પરથી એક્ટરનો લુક વાયરલ થયો છે જે ફેન્સ માટે એક્સાઇટમેન્ટ વધારે છે.