ઉપલેટા પંથકમાં કમોસમી વરસાદ પડતા ખેતરમાં પડેલા ઘઉં, ચણા, જી, ધાણાના પાકને પારાવાર નુકસાન થતાં ખેડૂતોએ વળતર આપવા માગ ઉઠાવી છે.પાનેલી ગામે ગઇકાલે બપોર બાદ ભારે વરસાદ સાથે પવન ફુંકાતા પાનેલીના સ્મશાન પાછળ ગઢાળા તરીકે ઓળખાતી જમીન વિસ્તારમાં ખેડૂતોએ વાવેલા ઘઉંના ઉભા પાક વરસાદને કારણે ઢળી પડતા ખેડૂતોને લાખોનું નુકસાન થયેલ છે. ખેડૂતોનો તૈયાર પાકનો મોમા આવેલો કોળીયો કમોસમી વરસદે ઝુંટવી લેતા ખેડૂતો હતાશ થઇ ગયા હતાં. આ વિસ્તારના ખેડૂતો શૈલેશ ગોરધનભાઇ વેકરીયા અને વલ્લભભાઇ સીદાભાઇ ધાડિયા સહિતનાઓએ નુકસાન થયેલ પાકનો સર્વે કરી તાત્કાલીક ધોરણે ખેડૂતોને સહાય આપવા માગણી કરેલ છે.