પોરબંદરના બંદર વિસ્તારમાં ખાડીના પાણીમાં પડી જતા માચ્છીમારનુ મોત થયુ છે જેમાં પોલીસે આગળની તપાસ હાથ ધરી છે. પોરબંદરના મચ્છી માર્કેટ વિસ્તારમાં રહેતા શૈલેષ ભાદ્રેચાએ હાર્બર મરીન પોલીસમથકમાં એવુ જાહેર કર્યુ છે કે અશ્ર્વિન રણછોડભાઇ ભાદ્રેચા ઉ.વ. ૩૯ તા. ૧મેના સાંજે કોઇપણ સમયે અકસ્માતે બંદર વિસ્તારમાં ખાડીના પાણીમાં પડી ગયો હતો અને ડૂબી જતા અશ્ર્વિનનું મોત થયુ હતુ. બનાવની જાણ થતા માચ્છીમાર અગ્રણીઓ પહોંચી ગયા હતા અને અશ્ર્વિનના મૃતદેહને સરકારી ભાવસિંહજી હોસ્પિટલે પી.એમ. માટે લવાયો હતો. હાર્બર મરીન પોલીસ મથકના પી.આઇ. એસ.ડી. સાળુંકેએ આગળની તપાસ હાથ ધરી છે.