ઇઝરાયેલી સેના પગપાળા લેબનોનમાં પ્રવેશવાની તૈયારી કરી રહી છે. આ દરમિયાન, અમેરિકા અને ફ્રાન્સ સહિત વિશ્વના ઘણા દેશોએ ઇઝરાયેલ અને હિઝબુલ્લાને 21 દિવસ માટે યુદ્ધવિરામની અપીલ કરી હતી. પરંતુ ઈઝરાયેલના વડાપ્રધાન બેન્જામિન નેતન્યાહુએ અમેરિકાના આ પ્રસ્તાવ પર કોઈ પ્રતિક્રિયા આપી નથી.

ગુરુવારે, ઇઝરાયેલના વડા પ્રધાન બેન્જામિન નેતન્યાહૂના કાર્યાલયે જણાવ્યું હતું કે, તે યુએસ-ફ્રેન્ચનો પ્રસ્તાવ હતો. આ અંગે વડાપ્રધાને હજુ સુધી કોઈ પ્રતિક્રિયા આપી નથી. ઈઝરાયેલની સેનાને હિઝબુલ્લા સામેની લડાઈ પૂરી તાકાત સાથે ચાલુ રાખવાનો આદેશ આપવામાં આવ્યો છે.

યુદ્ધ કોઈના હિતમાં નથી

અમેરિકી રાષ્ટ્રપતિ જો બાયડને અને ફ્રાન્સના રાષ્ટ્રપતિ ઈમેન્યુઅલ મેક્રોન સહિત અન્ય દેશોએ સંયુક્ત નિવેદનમાં કહ્યું કે, યુદ્ધ ઈઝરાયેલ અને લેબનોન બંનેના લોકોના હિતમાં નથી. તેણે હિઝબુલ્લાહ અને ઈઝરાયેલને તાત્કાલિક 21 દિવસના યુદ્ધવિરામ માટે અપીલ કરી હતી. એવું પણ કહેવામાં આવ્યું હતું કે આ સમયગાળા દરમિયાન રાજદ્વારી ઉકેલ માટે સમય આવશે.

આ દેશોએ કરી હતી યુદ્ધવિરામની અપીલ

જે દેશોએ 21 દિવસના યુદ્ધવિરામની અપીલ કરી છે તેમાં અમેરિકા, ફ્રાન્સ, જાપાન, કતાર, સાઉદી અરેબિયા અને સંયુક્ત આરબ અમીરાતનો સમાવેશ થાય છે. પરંતુ ઈઝરાયેલે હજુ સુધી આમાં કોઈ રસ દાખવ્યો નથી. આ સપ્તાહે લેબનોનમાં ઈઝરાયેલના હુમલામાં સેંકડો લોકોએ જીવ ગુમાવ્યા છે. હજારો લોકો ઈજાગ્રસ્ત થયા છે. ઇઝરાયેલની સેના દક્ષિણ લેબનોન પર સતત બોમ્બમારો કરી રહી છે.