ખેતીવાડીના ખુણા પાસે પોલીસ ત્રાટકી : 32 બોટલ, 96 ચપટા સહિત 3.35 લાખનો મુદામાલ કબ્જે

જામનગરના રાજીવનગર તરફ જતા રસ્તા તરફ આવેલ ખેતીવાડીની દિવાલના ખુણા પાસે પોલીસે કારની તલાશી લેતા તેમાથી ઇંગ્લીશ દારૂની 32 બોટલ અને 96 ચપટા મળી આવતા અંધાશ્રમ પાછળના વિસ્તારમાં રહેતા બે શખ્સોને પકડી પાડી દારૂ, કાર સહિત 3.35 લાખનો મુદામાલ જપ્ત કરાયો હતો.

જામનગરના અંધાશ્રમ પાછળ હનુમાન ચોકમાં રહેતા દિપક મનસુખ ગોહિલ અને આશિષ રાજુ વારસકીયા નામના આરોપીઓએ પોતાના ભોગવટાની  સ્વીફટ ફોરવ્હીલ બ્લૂ કલરની કાર હોય જેના રજી નંબર જીજે-10-ડીજે-0865માં ભારતીય બનાવટની ઇંગ્લીશ દારુની શીલબંધ બોટલો નંગ-32 કિ.16,000 તથા ઈગ્લીશ દારૂના ચપટા નંગ 96 કી.9600 તથા ફોરવ્હીલ સ્વીફટ કાર કિ.3 લાખ તથા મોબાઇલ ફોન કિમત 15,000 મળી કુલ મુદામાલ કિ.3,35,600નો રાખી રેઇડ દરમ્યાન બન્ને આરોપીઓ ખેતીવાડી વિસ્તારમાંથી પકડાઇ જઇ દાની હેરફેર કરી એક બીજાને મદદગારી કરી હતી.

દિપક અને આશિષ બંનેની સામે તથા તપાસમાં જે નામ ખુલે એ તમામની સામે સીટી-સી ડીવીઝનમાં પ્રોહી મુજબ ફરીયાદ દાખલ કરવામાં આવી છે, દરોડાની કાર્યવાહી સીટી-સી પીઆઇ ચૌધરીની સુચનાથી સ્ટાફ દ્વારા કરવામાં આવી હતી.