જાખર અને ધુંવાવમાં બે આંકડાશાસ્ત્રીની અટકાયત

લાલપુર પંથકના કાનાલુસ ગામના ચારણનેશ બાવળની ઝાડી પાસે તિનપતીનો જુગાર રમતા બે શખ્સો ઝપટમાં આવ્યા હતા, જયારે જાખર અને ધુંવાવમાં બે વર્લીબાઝ પોલીસન પકકડમાં આવ્યા હતા.

કાનાલુસ ખોડીયારનેશમાં રહેતા દેગણશી છગન હાજાણી અને દેહળ સાજણ ઘોડાચારણ આ બંને શખ્સો કાનાલુસ ચારણનેશ વિસ્તારમાં ગંજીપતા વડે જુગાર રમતા પડાણા પોલીસે રોકડા 420 સાથે દબોચી લીધા હતા.

જયારે જાખર તળાવ પાળ પાસે રહેતા ભરતસિંહ કાથડજી ચુડાસમાને વર્લી મટકાનો જુગાર રમતા રોકડા 260 સાથે દબોચી લીધો હતો અને ધુંવાવ હાઉસીંગ બોર્ડ ખાતે રહેતા શબીર અબ્બાસ રફાઇને આ વિસ્તારમાં વર્લી મટકાનો જુગાર રમતા રોકડા 620 સાથે પકડી પાડયો હતો.