વેપારીને બ્લેકમેઈલ કરવા મામલે ઝડપાયેલ મહિલા સહિત બે રિમાન્ડ પર

  • April 02, 2025 03:23 PM 
Aajkaal Daily (Desh Pardesh Ni Aajkaal)


શહેરમાં મહિલાએ બે શખ્સોને  સાથે રાખીને હનીટ્રેપ કરીને વેપારી પાસેથી રૂપિયા પડાવવાના મામલે મહિલા સહિત બે ઝડપાયા બાદ બન્ને  કોર્ટમાં રજુ કરાતા કોર્ટ દ્વારા રિમાન્ડ મંજુર કરવામાં આવ્યા હતા. આ કિસ્સામાં મદદગારી કરનાર શક્તિસિંહ નામનો શખ્સ હજુ ભાગતો ફરતો હોવાનુ તપાસનિસ પીએસઆઈ ચૌધરીએ જણાવ્યુ હતુ.
ભાવનગરમાં ગંગાજળિયા વિસ્તારમાં કરિયાણાના વેપારીની દુકાને અથાણુ લેવાના બહાને વેપારીને પોતાની ઝાળમાં ફસાવનાર મહિલા અંકિતા  પટેલ અને ભાર્ગવને પોલીસે ઝડપી લીધા હતા. હોટેલમાં શરીર સંબંધ બાધ્યા બાદ રૂપિયા ૫ લાખની માંગણી કરીને બ્લેક મેઈલ કરવાના કેસમાં બંનેની પોલીસે અટકાયત કરીને  કોર્ટમાં રજુ કર્યા હતા. જયા એક દિવસના રીમાન્ડ મંજુર કરવામાં આવ્યા હતા. આ મામલે તપાનીશ પોલીસ  અધિકારી ચૌધરીએ જણાવ્યુ હતુ કે, રિમાન્ડ દરમ્યાન બન્નેની વધુ પૂછતાછ  કરવામાં આવશે.  જ્યારે તેની મદદગારી કરનાર   શક્તિસિંહ નામનો શખ્સ હજુ ભાગતો ફરતો છે. રિમાન્ડમાં મહિલા મોંઢુ ખોલશે તે દિશામાં વધુ તપાસ હાથ ધરવામાં આવશે તેમ તેમણે જણાવ્યું હતું.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application