જામનગરના સેન્ટ્રલબેંકની સામે ફુલવાળાની દુકાન પાસે જાહેરમાં ચલણી નોટના નંબર પર એકીબેકીનો જુગાર રમતા બે શખ્સને રોકડ સાથે પોલીસે પકડી લીધા હતા.
જીલ્લા પોલીસવડા પ્રેમસુખ ડેલુએ પ્રોહી જુગાર શોધી કાઢવા સુચના આપેલ હોય તેમજ નાયબ પોલીસ અધિક્ષક જે.એન. ઝાલા તથા પીઆઇ એન.એ.ચાવડાના માર્ગદર્શન મુજબ સીટી-એ ડીવીઝન દરબારગઢ પોલીસ ચોકીના પીએસઆઇ વી.આર. ગામેતી તથા સ્ટાફના માણસો પોલીસચોકી વિસ્તારમાં પેટ્રોલીંગમાં હતા.
દરમ્યાન પો.કોન્સ કિશોરભાઇ ગાગીયા તથા રવીરાજસિંહ જાડેજાને સંયુકત બાતમી રાહે હકીકત મળેલ કે જામનગર સેન્ટ્રલ બેંકની સામે એવન ફુલવારા નામની દુકાન પાસે જાહેરમાં બે ઇસમો ભારતીય ચલણી નોટોના નંબર પર એકીબેકી નામનો જુગાર રમી રમાડી પૈસાની હારજીત કરે છે તેવી હકીકત આધારે રેઇડ કરતા આરોપી આશીફ મુસા જીંદાણી (ઉ.વ.૪૩) રહે. કાલાવડ નાકા બહાર સિલ્વર પાર્ક શેરી નં. ૩ તથા બીમલ લક્ષમીકાંત બદામીયા (ઉ.વ.૫૯) રહે. સેન્ટ્રલ બેંક પાસે ભટ્ટ ફળી જામનગરવાળાઓ પકડાઇ ગયેલ અને આરોપીઓ પાસેથી રોકડા ૧૧૨૫૦ના મુદામાલ સાથે પકડી પાડયા હતા.