અન્ય ગ્રામ્ય વિસ્તારમાં પણ અડધા થી દોઢ ઇંચ  વરસાદ વરસ્યો

જામનગર શહેર, જોડીયા-ધ્રોળ અને કાલાવડમાં ગઈકાલે વરસાદી વાતાવરણ બનેલું હતું, અને સવારથી જ વાતાવરણમાં પલ્ટો આવ્યા પછી છૂટાછવાયા વરસાદી ઝાપટાં પડ્યા હતા.

જામનગર શહેરમાં ગઈકાલે સવારે આકાશ વાદળો થી ઘેરાયેલું જોવા મળ્યું હતું, અને વરસાદી ઝાપટા વરસવાના શરૂ થયા બાદ બપોરે ૧૨ વાગ્યાથી એકાએક ઉઘાડ નીકળી ગયો હતો, અને સૂર્ય દેવતા ના દર્શન થયા હતા.

જોકે જામનગર તાલુકાના ગ્રામ્ય વિસ્તારમાં ગઈકાલે અડધાથી દોઢ ઇંચ વરસાદ પડી ગયો હતો. જેમાં જામનગર તાલુકાના મોટી ભલસાણમાં ૪૫ મી.મી. વરસાદ નોંધાયો હતો, તે જ રીતે આલિયાબાડામાં ૩૬ મી.મી. ધ્રોલ તાલુકાના જાલીયા દેવાણી ગામમાં ૨૫ મી.મી. વરસાદ નોંધાયો છે.

કાલાવડ તાલુકાના મોટા પાંચ દેવડામાં  ૩૮ મી.મી. વરસાદ નોંધાયો હતો. જોડીયા તાલુકામાં ગઈકાલે ૧૬ મી.મી. વરસાદ નોંધાયો હતો. આજે સમગ્ર જિલ્લામાં મેઘરાજા એ વીરામ રાખ્યો છે.