કોલંબિયાની રાજધાની બોગોટામાં માત્ર ૧૫ જ મિનીટ ના અરસામાં બે ધરતીકપં અનુભવાયા હતા જેની તીવ્રતા ૬.૩ અને ૫.૭ રહી હતી. કમ્પન ના પગલે લોકો ઘર અને ઓફીસ છોડી બહાર ભાગ્યા હતા.ન્યૂઝ એજન્સીના જણાવ્યા અનુસાર ભૂકંપના ડરથી થયેલી નાસભાગ દરમિયાન પડી જવાથી એક મહિલાનું મોત થયું હતું. લગભગ ૧૫ મિનિટ બાદ અહીં ૫.૭ની તીવ્રતાનો આટરશોક પણ અનુભવાયો હતો.ભૂકંપના કારણે કોલંબિયાની સંસદની છતનો પથ્થરનો ભાગ ધરાશાયી થયો હતો. જોકે, રાહતની વાત એ હતી કે તે સમયે સંસદમાં કોઈ હાજર નહોતું. કોલંબિયાના કાલી અને મેડેલિન શહેરમાં પણ ભૂકંપના આંચકા અનુભવાયા હતા.