રાષ્ટ્ર્રપતિ ડોનાલ્ડ ટ્રમ્પે કહ્યું છે કે, અમેરિકા એવા દેશો પર ટેરિફ લાદશે જે અમેરિકાને નુકસાન પહોંચાડે છે, તેમણે ઉચ્ચ ટેરિફ દેશો તરીકે ભારત, બ્રાઝીલ અને ચીનના નામ આપ્યાં છે. ટ્રમ્પે સોમવારે લોરિડા રિટ્રીટમાં હાઉસ રિપબ્લિકન્સને કહ્યું કે અમે બહારના દેશો અને બહારના લોકો પર ટેરિફ લાદવા જઈ રહ્યા છીએ જે ખરેખર આપણને નુકસાન પહોંચાડે છે. ગયા અઠવાડિયે બીજા કાર્યકાળ માટે રાષ્ટ્ર્રપતિ બન્યા પછીનું આ પહેલું રિટ્રીટ હતું. તેમણે કહ્યું હતું કે બીજા શું કરે છે તે જુઓ. ચીન એક જબરદસ્ત ટેરિફ નિર્માતા છે, અને ભારત, બ્રાઝિલ અને બીજા ઘણા દેશો પણ એમ જ કરે છે. તેથી અમે હવે એવું થવા દેવાના નથી કારણ કે અમે અમેરિકાને પ્રથમ સ્થાન આપવા જઈ રહ્યા છીએ. તેમણે કહ્યું કે યુએસ એક ખૂબ જ ન્યાયી સિસ્ટમ સ્થાપિત કરશે યાં પૈસા આપણા ખજાનામાં આવશે અને અમેરિકા ફરીથી ખૂબ જ સમૃદ્ધ બનશે, આ ખૂબ જ ઝડપથી થશે. ટ્રમ્પે ભાર મૂકયો કે અમેરિકાને એવી વ્યવસ્થામાં પાછા ફરવાનો સમય આવી ગયો છે જે તેને પહેલા કરતાં વધુ સમૃદ્ધ અને શકિતશાળી બનાવશે.
ગયા અઠવાડિયે પોતાના ઉધ્ઘાટન ભાષણનો ઉલ્લેખ કરતા, ટ્રમ્પે કહ્યું: વિદેશી રાષ્ટ્ર્રોને સમૃદ્ધ બનાવવા માટે આપણા નાગરિકો પર કર લાદવાને બદલે, આપણે આપણા નાગરિકોને સમૃદ્ધ બનાવવા માટે વિદેશી રાષ્ટ્ર્રો પર કર લાદવો જોઈએ. અમેરિકન પ્રથમ આર્થિક મોડેલ હેઠળ, જેમ જેમ અન્ય દેશો પર ટેરિફ વધશે, તેમ તેમ અમેરિકન કામદારો અને વ્યવસાયો પરના કર ઘટશે અને મોટી સંખ્યામાં નોકરીઓ અને કારખાનાઓ ઘરે આવશે, તેમણે કહ્યું.