ડોનાલ્ડ ટ્રમ્પે ગયા મહિને ચૂંટણી માટે પહેલી વાર જો બાઈડન કરતાં વધુ નાણાં એકત્ર કર્યા હતા, બાઈડન અને ડેમોક્રેટિક પાર્ટીએ એપ્રિલમાં ૫૧ મિલિયન ડોલર એકત્ર કર્યા હતા, જેની સરખામણીમાં ટ્રમ્પ અને રિપબ્લિકન નેશનલ કમિટીએ ૭૬ મિલિયન ડોલર એકઠા કર્યા છે, પ્રેસિડેન્ટ બાઈડન પાસે રહેલું કુલ ભંડોળ મે મહિનાની શઆતમાં ૧૯૨ મિલિયન થયું હતું.

અબજોપતિ હોન પોલસન દ્રારા આયોજિત પામ બીચ ઇવેન્ટ સહિત, અને તેલ અને ગેસ ક્ષેત્રના મોટા દાતાઓ પાસેથી ટેકો મેળવ્યા બાદ ટ્રમ્પના ભંડોળમાં મોટો વધારો થયો છે. ઝુંબેશ, રાજકીય પક્ષો અને તેમને ટેકો આપતી મુખ્ય સુપર પોલિટિકલ એકશન કમિટીઓએ ફેડરલ ચૂંટણી પંચને તેમના માસિક અહેવાલો ફાઇલ કર્યા છે.

જો બાઈડન અને ડેમોક્રેટિક નેશનલ કમિટીએ એપ્રિલમાં ૫૧ મિલિયન ડોલર એકત્ર કર્યા બાદ મહિનાના અંતમાં કુલ નાણાં ભંડોળ ૧૯૨ મિલિયન ડોલર થયું હતું, બાઈડનના ફરીથી ચૂંટણીના પ્રયાસે ચૂંટણીની મોસમમાં આ સમયે ડેમોક્રેટિક નોમિની માટે રેકોર્ડ બ્રેકિંગ રકમ એકત્રિત કરી છે. એપ્રિલમાં તેના મોટા ભંડોળને ઊભુ કરનારાઓમાં માઇકલ ડગ્લાસ દ્રારા આયોજિત ઇવેન્ટનો સમાવેશ થાય છે, જે અભિનેતા અને ફિલ્મ નિર્માતા છે, જેમણે ૧૯૮૭ની ફિલ્મ વોલ સ્ટ્રીટમાં ગોર્ડન ગેક્કોની ભૂમિકા ભજવી હતી, પરંતુ ઝુંબેશના નાના–ડોલર ડોનર્સ મોટા ભાગના ખર્ચ માટે જવાબદાર હતા. મોટા ફાળો આપનારાઓમાં ફેમિલી ગાયના મેકર મેકફાર્લેન, ફેસબુકના સહ–સ્થાપક ડસ્ટિન મોસ્કોવિટઝ, બેઇન કેપિટલના જોશ બેકનસ્ટેઇન અને હેજ ફડં મેનેજર ટોમ સ્ટેયરનો સમાવેશ થાય છે.
ડોનાલ્ડ ટ્રમ્પે તેમના અભિયાન અને જીઆપી માટે એપ્રિલમાં ૭૬ મિલિયન ડોલર એકત્ર કર્યા હતા. તેમની ઝુંબેશ અને રિપબ્લિકન નેશનલ કમિટીએ મહિનાનો અતં ૮૯ મિલિયન ડોલર એકઠા કર્યા છે. ટ્રમ્પના તેમના પક્ષના અનુમાનિત નોમિની તરીકે નાણાં એકત્ર કરવાનો પ્રથમ સંપૂર્ણ મહિનો અગ્રણી દાતાઓ તરફથી મોટા દાનમાં પરિણમ્યો છે. વધુ દાન આપનારાઓમાં કોન્ટિનેંટલ રિસોર્સિસના હેરોલ્ડ હેમ, મિડલેન્ડ એનજીર્ના સૈયદ અનવર અને કેન્ટર ફિટઝગેરાલ્ડના હોવર્ડ લ્યુટનિકનો સમાવેશ થાય છે.