ડોનાલ્ડ ટ્રમ્પ ફરી એકવાર અમેરિકાના રાષ્ટ્રપતિ બન્યા છે. 78 વર્ષીય ટ્રમ્પ રાજનીતિના ક્ષેત્રમાં માત્ર એક મોટો ચહેરો નથી, પરંતુ એક સફળ બિઝનેસમેન પણ છે. ટ્રમ્પ્નો બિઝનેસ આખી દુનિયામાં ફેલાયેલો છે. આમાં ભારત પણ સામેલ છે, જ્યાં ટ્રમ્પ્નો મુંબઈ, પુણે, ગુરુગ્રામ અને કોલકાતા સહિત ઘણા મોટા શહેરો સાથે બિઝનેસ છે.
અમેરિકી રાષ્ટ્રપતિ ડોનાલ્ડ ટ્રમ્પ્નો ભારત સાથે ગાઢ સંબંધ છે. તેઓ એક પીઢ ઉદ્યોગપતિ તરીકે પણ ઓળખાય છે અને તેમનો વ્યવસાય ભારતના ઘણા શહેરોમાં છે. ટ્રમ્પ પરિવારે ભારતમાં રિયલ એસ્ટેટ સેક્ટરમાં જંગી રોકાણ કર્યું છે અને આ તમામ પ્રોજેક્ટનું નામ પણ ટ્રમ્પ્ના નામે છે. ટ્રમ્પ્ને રિયલ એસ્ટેટ બિઝનેસ વારસામાં મળ્યો અને તેને ખૂબ ઊંચાઈ પર લઈ ગયા. ભારતમાં મુંબઈ, પુણે, ગુરુગ્રામ અને કોલકાતા જેવા શહેરોમાં ’ટ્રમ્પ ટાવર’ જોવા મળશે. ડોનાલ્ડ ટ્રમ્પ્ની રિયલ એસ્ટેટ કંપ્ની ધ ટ્રમ્પ ઓર્ગેનાઈઝેશન ભારતમાં લોઢા ગ્રૂપ, પંચશીલ રિયલ્ટી, એમ3એમ, ટ્રિબેકા, યુનિમાર્ક અને આઈરીયો સાથે મળીને રિયલ એસ્ટેટનો વ્યવસાય કરે છે અને ટ્રમ્પ પ્રોજેક્ટ્સની ઊંચી કિંમત હોવા છતાં તેમની ખૂબ માંગ છે.
રાજધાની દિલ્હીને અડીને આવેલા ગુરુગ્રામમાં ટ્રિબેકા ટ્રમ્પ ટાવર્સ છે, જેમાં ટ્રમ્પ્નું રોકાણ છે. તે ગુરુગ્રામના સેક્ટર 65માં હાજર છે. ગુરુગ્રામમાં બે 50 માળના ટ્રમ્પ ટાવર છે અને તેનું વિસ્તરણ પણ કરવામાં આવ્યું છે. અહીં ફ્લેટની શરૂઆતની કિંમત 4 કરોડ રૂપિયાથી વધુ છે. ટ્રમ્પ ટાવર ભારતીય કંપ્ની યુનિમાર્ક ગ્રુપ, આરડીબી ગ્રુપ અને ટ્રિબેકા ડેવલપર્સના સહયોગથી કોલકાતામાં બનાવવામાં આવ્યું છે. આ ટાવરની ઊંચાઈ 39 માળની છે. કોલકાતાના ટ્રમ્પ ટાવરમાં ફ્લેટની શરૂઆતની કિંમત 3.75 કરોડ રૂપિયા છે. મુંબઈના વરલી વિસ્તારમાં ટ્રમ્પ ટાવર પણ છે. 700 એકરમાં ફેલાયેલા આ રહેણાંક મકાનમાં ફ્લેટની કિંમત કરોડોમાં છે. વર્લીમાં 78 માળની ઇમારત છે. અહીંનો પ્રોજેક્ટ લોઢા ગ્રુપ્ની મદદથી શરૂ કરવામાં આવ્યો છે. તેની વિશેષતા પ્રાઈવેટ જેટ સર્વિસ અને ટ્રમ્પ કાર્ડ છે. અહીં ફ્લેટની શરૂઆતની કિંમત 10 કરોડ રૂપિયાની આસપાસ છે. પંચશીલ રિયલ્ટીના સહયોગથી પુણેમાં ટ્રમ્પ ટાવર્સ બનાવવામાં આવ્યા છે. પુણેમાં ટ્રમ્પ ટાવર નામની 23 માળની બે ઈમારતો છે. ટ્રમ્પ ટાવરમાં એક ફ્લેટની કિંમત 15 કરોડ રૂપિયાથી વધુ છે.
ટ્રમ્પ ઓર્ગેનાઈઝેશન વર્ષ 2013માં પહેલીવાર ભારતમાં પ્રવેશ્યું અને છેલ્લા 9 વર્ષમાં ટ્રમ્પ્નો બિઝનેસ ભારતના ઘણા મોટા શહેરોમાં ફેલાઈ ગયો છે. ટ્રમ્પ્ની કંપ્ની ’ધ ટ્રમ્પ ઓર્ગેનાઈઝેશન’એ ભારતીય કંપ્નીઓ સાથે મળીને 5થી વધુ લક્ઝરી રેસિડેન્શિયલ પ્રોજેક્ટ લોન્ચ કયર્િ છે.