લકડીબંદર અને જયુબેલી તરફથી સુભાષનગર અને ઓલ વેધર પોર્ટની જેટી તરફ તેમજ જાવર જતા મુખ્ય રસ્તાની હાલત અત્યંત ખરાબ બની ગઈ છે. તેમાં ઠેર ઠેર ગાબડા પડી ગયા છે અને તેના કારણે અવરજવરમાં પણ ભારે પરેશાની નો સામનો કરવો પડી રહ્યો છે.માછીમારી ઉદ્યોગ કરોડો રૂપિયાનું હૂંડિયામણ કમાવી આપે છે,પરંતુ માછીમારોને રસ્તા અને સ્ટ્રીટલાઈટ જેવી પાયાની સુવિધા ઉપલબ્ધ કરાવવામાં પણ સરકાર અખાડા કરી રહી છે.અહીંયા રાત્રિના સમયે અનેક અકસ્માત સર્જાયા છે,તેમ છતાં સ્ટ્રીટલાઇટની પણ  સુવિધા આ રસ્તા પર ઉપલબ્ધ કરાવવામાં આવી નથી,તેથી અહીંયાથી પસાર થતા અને માછીમારી ઉદ્યોગ સાથે સંકળાયેલા લોકો ખુબ જ પરેશાન છે અને તંત્રએ તેની પરેશાનીને દુર કરવા માટે ભંગાર રસ્તાનું સમારકામ કરાવું જરૂરી બન્યું છે તથા સ્ટ્રીટલાઈટની પણ સુવિધા ઉપલબ્ધ કરાવી જ‚રી બની છે.