દિલ્હીના નેબ સરાઈ વિસ્તારના દેવલી ગામમાં ટિ્રપલ મર્ડરે સનસનાટી મચાવી દીધી છે. યોગાનુયોગ તે સમયે પુત્ર ઘરમાં હાજર ન હતો. તે મોનિગ વોક માટે ગયો હતો. યારે તે પાછો આવ્યો ત્યારે તેના માતા–પિતા અને બહેનને લોહીથી લથપથ જોઈને તે ચોંકી ગયો હતો.અને પોલીસને જાણ કરી હતી.
દક્ષિણ દિલ્હીના નેબ સરાયના દેવલી ગામમાં એક જ ઘરના ત્રણ લોકોની હત્યા બાદ સનસનાટી મચી ગઈ છે. આ ઘટના આજે સવારે બની હોવાનું જાણવા મળે છે. તે સમયે પુત્ર મોનિગ વોક માટે ગયો હતો. તે પાછા ફરતા જ તેના પિતા, માતા અને બહેનને મૃત જોઈને ચોંકી ઉઠા હતા. આજે પતિ–પત્નીની મેરેજ એનિવર્સરી પણ હતી. હત્યા કયા કારણોસર કરવામાં આવી તે જાણી શકાયું નથી.
પીડિતોની ઓળખ રાજેશ (૫૩), કોમલ (૪૭) અને તેમની ૨૩ વર્ષની પુત્રી કવિતા તરીકે થઈ છે. ઘટના સમયે પુત્ર મોનિગ વોક માટે ગયો હોવાનું પ્રાથમિક તપાસમાં બહાર આવ્યું છે. પોલીસ સંભવિત હેતુઓ તરીકે લૂંટ અને પારિવારિક વિવાદની તપાસ કરી રહી છે, પરંતુ હજી સુધી કોઈ પુષ્ટ્રિ થઈ નથી. આ ગુનો એટલો ભયાનક છે કે તેણે સમગ્ર મહોલ્લાને હચમચાવી નાખ્યો છે. ફોરેન્સિક ટીમો ઘટનાસ્થળે વધારાના પુરાવા શોધવામાં વ્યસ્ત છે.
માહિતી મળતા જ નેબ સરાય પોલીસ સ્ટેશનની પોલીસ ટીમ તપાસ માટે ઘટના સ્થળે પહોંચી ગઈ હતી. ક્રાઈમ ટીમને પણ તપાસ માટે સ્થળ પર બોલાવવામાં આવી છે. તપાસ બાદ ત્રણેય મૃતકોના મૃતદેહને પોસ્ટમોર્ટમ માટે નજીકની હોસ્પિટલમાં મોકલવામાં આવી રહ્યા છે.
તપાસ દરમિયાન પોલીસને જાણવા મળ્યું કે યારે પુત્ર સવારે જીમ ગયો હતો ત્યારે તેણે તેની માતા સાથે વાત કરી હતી. તેને ગેટને તાળું મારીને જવાનું કહેવામાં આવ્યું હતું. પડોશીઓએ જણાવ્યું કે મુખ્ય દરવાજામાં અંદર અને બહાર બંને બાજુથી ઇન્ટરલોક સિસ્ટમ છે. એવું પણ કહેવામાં આવી રહ્યું છે કે આજે ઘરના માલિક રાજેશની મેરેજ એનિવર્સરી હતી. તેની આજુબાજુના લોકો સાથે તેનો બહત્પ સંપર્ક નહોતો. એટલા માટે લોકો પાસે વધુ માહિતી નથી.
નેબાસરાય પોલીસ સ્ટેશનની પોલીસ આ મામલામાં મૃતકના પુત્ર અને નજીકના લોકોની પૂછપરછ કરી રહી છે. ઉપરાંત શેરી અને બહારના વિસ્તારોમાં લગાવેલા સીસીટીવી કેમેરાની પણ ચકાસણી કરવામાં આવી રહી છે. જેથી ઘટના દરમિયાનની હિલચાલ જાણી શકાય અને ટેકિનકલ સર્વેલન્સની પણ મદદ લેવામાં આવી રહી છે