કારમાં બેઠેલા અને સ્કુટીચાલકને ઇજા : આરોપીની શોધખોળ

ખંભાળીયા-જામનગર હાઇવે બેડ ગામની ગોળાઇ પાસે ગત તા. ૨૧-૧-૨૪ના રોજ ટાંકાના ચાલકે બેદરકારીથી ચલાવીને અકસ્માત સર્જતા તેની સામે ફરીયાદ કરવામાં આવી છે.
કલ્યાણપુર તાલુકાના સતાપર વાડી વિસ્તારમાં રહેતા સાજણ પીઠાભાઇ ચાવડા (ઉ.વ.૪૨)એ ટાંકા નં. જીજે૧૨બીડબ્લયુ-૫૧૨૭ના ચાલક સામે એવી ફરીયાદ કરી હતી કે ફરીયાદી પોતાની સ્વીફટ કાર નં. જીજે૨૬એ-૩૭૩૭માં તેમના પરિવાર સાથે તેમના ગામથી જામનગર પ્રસંગમાં જતા હતા.
દરમ્યાન બેડની ગોળાઇ પાસે પહોચતા ટાંકાના ચાલકે બેફીકરાઇ અને ગફલતથી ચલાવી ફોરવ્હીલને ઠોકર મારી હતી આથી કાર ફંગોળાઇને આગળ જતી સ્કુટી નં. જીજે૧૦ડીકયુ-૪૧૯૨વાળા ચાલકને ઠોકર લાગતા ફોરવ્હીલમાં બેઠેલા ફરીયાદીના કુટુંબી તથા સ્કુટી ચાલકને ગંભીર ઇજા પહોચાડી આરોપી ચાલક નાશી છુટયો હતો, ફરીયાદના આધારે સિકકા પોલીસ દ્વારા આગળની કાર્યવાહી કરવામાં આવી છે.