પોરબંદરના વીસાવાડા ગામની સીમમાં પરપ્રાંતીય બાળકી ખેતરમાં રમતી હતી ત્યારે તેના ઉપર ટ્રેક્ટર ફરી વળતા ક‚ણ મોત નીપજ્યું છે.
મૂળ મધ્ય પ્રદેશ તથા હાલ વિસાવાડા ગામે રામ અરભમ કેશવાલા ની વાડીએ ખેત મજૂરી કરવા આવેલા સુરેશ ડુંગરસિંગ જમરા નામના યુવાને મિયાણી મરીન પોલીસ મથકમાં એવી પોલીસ ફરિયાદ નોંધાવી છે કે ત્રણ મહિનાથી તે ખેત મજૂરી કરવા માટે મધ્યપ્રદેશથી તેના પરિવાર સાથે આવ્યો હતો. 
જેઠાભાઈ રાણાભાઇ આ ટ્રેક્ટરથી ખેતર ખેડતા હતા એ સમયે ફરિયાદીની અઢી વર્ષની બાળકી રવિના રમતી હતી ત્યારે જેઠાભાઈએ બેદરકારીથી ટ્રેક્ટર ચલાવતા રવિના ઉપર ચડી ગયું હતું ને માથાના ભાગે ગંભીર ઇજા થઈ હતી આથી તેને સારવાર માટે પોરબંદરની સરકારી હોસ્પિટલે લવાઈ હતી પરંતુ ફરજ પરના તબીબ હોય તેને મૃત જાહેર કરી હતી આથી ટ્રેક્ટર ચાલક જેઠા રાણાવાયા સામે સુરેશ જમરાએ બે ફિકરાઈથી ટ્રેક્ટર ચલાવીને મોત નીપજાવ્યાનો ગુન્હો નોંધાવ્યો છે.