કારતક સુદ પાંચમને જ્ઞાનપાંચમી પણ કહેવામાં આવે છે આથી પુસ્તકોનું પૂજન કરવામાં આવશે. આવતીકાલે તા.૧૮ને શનિવારે કારતક સુદ પાંચમ એટલે કે લાભપાંચમ છે.દિવાળીના તહેવારોની રજાનો માહોલ પૂર્ણ થયા બાદ આવતીકાલથી વેપાર ધંધાનો પુનઃ પ્રારંભ થશે.લાભ પાંચમને જ્ઞાન પાંચમી પણ કહેવામાં આવે છે.આથી પુસ્તકોનું પૂજન કરવામાં આવશે.

  દિવાળીના તહેવારો પૂર્ણ થયા છે.રજાનો માહોલ પૂર્ણ થયો છે.વેપારીઓ પણ દિવાળીના તહેવારોની રજા માણ્યા બાદ આવતીકાલે કારતક સુદ પાંચમ એટલે કે લાભપાંચમથી પૂનઃ વેપાર ધંધાનો પ્રારંભ કરશે.લાભપાંચમના દિવસે મુહૂર્તના સોદા કરવામાં આવશે.તદઉપરાંત લાભપાંચમના શુભ અને શુકનવંતા દિવસે સોના ચાંદીની અને અન્ય ચીજવસ્તુઓની ખરીદી થશે.

 તદઉપરાંત લાભ પાંચમના દિવસને જ્ઞાનપંચમી પણ કહેવામાં આવે છે.કાલે પુસ્તકોનું પૂજન કરવામાં આવશે.જૈન સમાજ દ્વારા ધાર્મિક પુસ્તકોનું પૂજન કરવામાં આવશે.અનેક લોકો કેટલીક વિદ્યા પ્રાપ્ત કરવા માટે જ્ઞાન પંચમીથી પ્રારંભ કરશે.