વડોદરા ડિવિઝનમાં આવેલ વાસદ અને રનોલી સ્ટેશન વચ્ચે સ્થિત બ્રિજ નંબર ૬૨૪ પર મેન્ટેનન્સ કામગીરી માટે એન્જિનિયરિંગ બ્લોક લેવામાં આવશે જેના લીધે રાજકોટ ડિવિઝનથી પસાર થનારી જામનગર-વડોદરા ઈન્ટરસિટી એકસપ્રેસ આંશિક રીતે રદ કરવામાં આવેલ છે. રાજકોટ ડિવિઝનના સિનિયર ડીસીએમ સુનિલકુમાર મીનાના જણાવ્યા અનુસાર ૮ એપ્રિલના રોજ ટ્રેન નંબર ૨૨૯૬૦ જામનગર-વડોદરા ઈન્ટરસિટી એકસપ્રેસ જામનગર સ્ટેશનથી રવાના થઈને અમદાવાદ સ્ટેશન સુધી જશે. આ ટ્રેન અમદાવાદ-વડોદરા વચ્ચે આંશિક રીતે રદ રહેશે.
​​​​​​​
રેલવે તંત્ર દ્વારા મુસાફરોને અનુરોધ કરાયો છે કે, ફેરફારોને ધ્યાનમાં રાખીને તેમની મુસાફરી કરે અને ટ્રેનની કામગીરી સંબંધિત નવીનતમ અપડેટસ માટે ૂૂૂ.યક્ષલીશિું.શક્ષમશફીફિશહ.લજ્ઞદ.શક્ષની મુલાકાત લે જેથી કોઈ અસુવિધા ન થાય.