દર વર્ષે ફેફસાના કેન્સર સંબંધિત મુદ્દાઓ વિશે સમગ્ર વિશ્વમાં લોકોને જાગૃત કરવા અને શિક્ષિત કરવા માટે 01 ઓગસ્ટના રોજ વિશ્વ ફેફસા કેન્સર દિવસ ઉજવવામાં આવે છે.

આ એક પ્રકારનું કેન્સર છે જે ફેફસામાં શરૂ થાય છે અને મોટાભાગે ધૂમ્રપાન કરતા લોકોમાં જોવા મળે  છે. જો કે ફેફસાનું કેન્સર એવા લોકોમાં પણ થઈ શકે છે, જેમણે ક્યારેય ધૂમ્રપાન કર્યું નથી. ફેફસાના કેન્સરના લક્ષણો અને ચિહ્નો તેના પ્રારંભિક તબક્કામાં ઘણીવાર દેખાતા નથી. તે સામાન્ય રીતે ત્યારે દેખાય છે જ્યારે રોગ અદ્યતન તબક્કામાં હોય. ફેફસાંનું કેન્સર એ એક મુખ્ય વૈશ્વિક આરોગ્ય પડકાર છે. જે ગેરસમજ અને મોડા નિદાનના કારણે વધુ વકરી શકે છે.

પ્રારંભિક તપાસની મહત્વપૂર્ણ ભૂમિકા:

ફેફસાના કેન્સરનું મોડું નિદાનએ એક મોટો પડકાર છે. સતત ઉધરસ, છાતીમાં દુખાવો અને શ્વાસ લેવામાં તકલીફ જેવા લક્ષણોને ઘણી વખત ઓછી ગંભીર બીમારીઓ તરીકે ઓળખવામાં આવે છે.  જેના કારણે દર્દી સારવાર લેવામાં બેદરકારી દાખવે છે. દર્દીને સજા થવા માટે પ્રારંભિક તપાસ મહત્વપૂર્ણ છે. છાતીનું HRCT (ઉચ્ચ-રિઝોલ્યુશન કોમ્પ્યુટેડ ટોમોગ્રાફી) એક અસરકારક નિદાન સાધન સાબિત થયું છે. કોવિડ-19 રોગચાળા દરમિયાન HRCT ના વધતા ઉપયોગથી ફેફસાના કેન્સરની પ્રારંભિક તપાસમાં નોંધપાત્ર વધારો થયો, જે યોગ્ય તબક્કે રોગને શોધવામાં મહત્વપૂર્ણ સાબિત થાય છે.

ફેફસાના કેન્સરને રોકવાની રીતો:

ધૂમ્રપાનનું વ્યસન છોડવું એ ફેફસાના કેન્સરને રોકવા માટેના પ્રાથમિક પગલાં પૈકી એક છે.

નિયમિત કસરત કરો.

HIV ચેપનું જોખમ ઘટાડવું.

સંતુલિત આહાર લેવો.

ઘરના લાકડાના ધુમાડાને શ્વાસમાં લેવાનું ટાળો.