IPL 2025ની મેગા હરાજી પહેલા અફવાઓ ચરમસીમા પર છે. દિલ્હી-મુંબઈ વચ્ચે કેપ્ટન બદલવાથી લઈને ચેન્નાઈ-રાજસ્થાન વચ્ચે મોટો ટ્રેડ થવાના સમાચાર છે.

IPL 2025 ચોક્કસપણે ખૂબ જ ખાસ હશે કારણ કે તે પહેલા મેગા ઓક્શનમાં ઘણા મોટા ખેલાડીઓની ટીમમાં ફેરફાર શક્ય છે. રોહિત શર્મા અને સંજુ સેમસન સહિત ઘણા પ્રખ્યાત ખેલાડીઓ વિશે એવા અહેવાલ છે કે તેમની જૂની ટીમ કદાચ તેમને જાળવી નહીં રાખે. અત્યાર સુધીના અહેવાલો અનુસાર, એક ફ્રેન્ચાઇઝી મેગા ઓક્શનમાં વધુમાં વધુ 4 ખેલાડીઓને જ રિટેન કરી શકે છે. આવી સ્થિતિમાં ઘણા દિગ્ગજ ખેલાડીઓની હરાજીમાં પ્રવેશ નિશ્ચિત છે.

રોહિત શર્મા છોડી શકે છે મુંબઈ ઈન્ડિયન્સ 

ગત સિઝનમાં મુંબઈ ઈન્ડિયન્સે રોહિત શર્માને કેપ્ટનશિપ પરથી હટાવીને હાર્દિક પંડ્યાને કેપ્ટન બનાવ્યો હતો. એવા અહેવાલો પણ હતા કે રોહિત IPL 2024 દરમિયાન MI મેનેજમેન્ટથી ખુશ નહોતો. આવી સ્થિતિમાં એવી અટકળો લગાવવામાં આવી હતી કે રોહિત આગામી સિઝનમાં મુંબઈ છોડીને લખનૌ સુપર જાયન્ટ્સનો કેપ્ટન બની શકે છે. તેનું નામ પંજાબ કિંગ્સ સાથે પણ જોડવામાં આવ્યું હતું. પરંતુ હવે એક નવા મીડિયા રિપોર્ટમાં કહેવામાં આવ્યું છે કે રોહિત મુંબઈ ઈન્ડિયન્સ સાથે જ રહેશે, પરંતુ હજુ સુધી આ વિષય પર કોઈ સત્તાવાર પુષ્ટિ કરવામાં આવી નથી.

CSKમાં સંજુ સેમસનની એન્ટ્રી!

અન્ય એક રિપોર્ટમાં સામે આવ્યું છે કે રાજસ્થાન રોયલ્સના કેપ્ટન સંજુ સેમસન ચેન્નાઈ સુપર કિંગ્સમાં જઈ શકે છે. આ વિષય સોશિયલ મીડિયા પર ઘણો ટ્રેન્ડ કરી રહ્યો હતો. હવે એક તરફ રાહુલ દ્રવિડ આગામી સિઝનમાં રાજસ્થાન રોયલ્સનો મુખ્ય કોચ બનવા જઈ રહ્યો છે, આવી સ્થિતિમાં બીજી અફવા સામે આવી છે કે સેમસન RR ફ્રેન્ચાઈઝી છોડીને ક્યાંય જઈ રહ્યો નથી.

ઓલરાઉન્ડર શિવમ દુબે જઈ શકે છે રાજસ્થાન ટીમમાં

CSKમાં આવ્યા પછી, શિવમ દુબેની IPL કારકિર્દીએ વેગ પકડ્યો છે અને તે લીગના ટોચના ઓલરાઉન્ડર ખેલાડીઓમાંથી એક બની ગયો છે. પરંતુ તાજેતરમાં એક અફવા ફેલાઈ હતી કે આરઆરએ શિવમ દુબેને ટ્રેડ કરવા માટે CSK મેનેજમેન્ટને માંગણી કરી છે. આ અહેવાલો સમયે સંજુ સેમસન ચર્ચામાં આવ્યા હતા કારણ કે એવું કહેવામાં આવ્યું હતું કે CSKએ દુબેના બદલામાં સંજુ સેમસનની માંગણી કરી હતી. બંને પક્ષોએ હજુ સુધી આ બાબતે કોઈ પુષ્ટિ આપી નથી.