ભારતમાં ફરવા માટે ઘણી બધી જગ્યાઓ છે પરંતુ ત્યાં જતા પહેલા અમુક જગ્યાઓ વિશે જાણી લેવું શ્રેષ્ઠ છે. કારણકે અહીં કેટલીક જગ્યાઓ ડરામણી માનવામાં આવે છે. કેટલાક લોકો માને છે કે આ જગ્યાઓ પર કોઈ ભૂત-પ્રેતનો વસવાટ છે. જાણો ભારતના ભૂતિયા સ્થળો વિશે

ભારત એક સુંદર દેશ છે. જ્યાં ફરવા માટે ઘણી બધી જગ્યાઓ છે. અહીં રણ, બીચ, પર્વતો, બધું જ છે. આ દેશ દુનિયાભરમાં તેની સુંદર જગ્યાઓ માટે જાણીતો છે. અહીં લોકો માત્ર પરિવાર સાથે કેટલીક જગ્યાઓ પર જતા નથી પરંતુ કેટલીક જગ્યાઓ એવી છે જે હનીમૂન માટે પણ ફેમસ છે. જો કે ભારતમાં ફરવા માટેના ઘણા સ્થળો વિશે તો સાંભળ્યું જ હશે, પરંતુ શું ક્યારેય અહીંની ડરામણી જગ્યાઓ વિશે સાંભળ્યું છે? ભારતમાં ફરવા જેવી કેટલીક જગ્યાઓ છે જે સૌથી ડરામણા સ્થળોની યાદીમાં આવે છે. કહેવાય છે કે આ જગ્યાઓ પર ભૂત-પ્રેતનો વાસ હોય છે.

1) થ્રી કિંગ્સ ચર્ચ, ગોવા

ગોવામાં એક ચર્ચ છે જેને જોવા માટે મોટાભાગના પ્રવાસીઓ આવે છે. ઘણા લોકોએ આ સ્થાન પર કેટલીક અસામાન્ય ઘટનાઓ બનતી જોઈ છે. એવું કહેવાય છે કે આ ચર્ચની સંપત્તિ માટે ત્રણ રાજાઓ લડ્યા અને એકબીજાને મારી નાખ્યા. જે પછી તેમની આત્મા ચર્ચની અંદર ફરતી રહે છે.

2) નેશનલ લાઇબ્રેરી, કોલકાતા

આ સ્થળ રસપ્રદ ભૂતપ્રેત વાર્તાઓ માટે પણ જાણીતું છે. આ લાઈબ્રેરીના રિનોવેશન દરમિયાન થયેલા અકસ્માતમાં લગભગ 12 લોકોના મોત થયા હતા. જે બાદ આ જગ્યા ભૂતિયા ગણાય છે અને સુરક્ષાકર્મીઓ પણ અહીં નાઈટ ડ્યુટી લેવાનું ટાળે છે.

3) માહિમની ડિસોઝા ચાલ, મુંબઈ

આ મુંબઈની ડરામણી જગ્યાઓમાંથી એક છે અને તેની ગણતરી ભારતના સૌથી ડરામણા સ્થળોમાં થાય છે. મુંબઈના માહિમ વિસ્તારમાં આવેલી ડિસોઝા ચૌલને ભૂતિયા સ્થળ તરીકે ઓળખવામાં આવે છે. ઘણા વર્ષો પહેલા એક મહિલા પાણી ખેંચતી વખતે કૂવામાં પડી હતી. તેણીએ મદદ માટે બૂમો પાડી પરંતુ કોઈ આવ્યું નહીં અને આખરે તેણીનું મૃત્યુ થયું. લોકો કહે છે કે તે સ્ત્રીની આત્મા તે કૂવા પાસે ભટકે છે.

4) રામોજી ફિલ્મ સિટી, હૈદરાબાદ

આ ભારતના સૌથી પ્રખ્યાત ફિલ્મ શહેરોમાંનું એક છે. જો કે અહીં પણ કેટલીક પેરાનોર્મલ પ્રવૃત્તિઓ જોવા મળી છે. અહીં ઘણી એવી હોટેલો બનાવવામાં આવી છે. જ્યાં ત્યાં રહેતા લોકોએ કેટલીક અજીબ વસ્તુઓનો અનુભવ કર્યો છે.

5) ફિરોઝ શાહ કોટલા કિલ્લો, નવી દિલ્હી

બહાદુર શાહ ઝફર રોડ પર આવેલ ફિરોઝ શાહ કોટલા કિલ્લો પણ ભૂતિયા સ્થળ માનવામાં આવે છે. ઘણા લોકોએ જીનની હાજરીનો અહેસાસ કર્યો છે. જે એક વિલક્ષણ વાતાવરણ બનાવે છે.