મહિના પહેલા પત્ની પિયર ચાલી જતા લાગી આવવાથી પગલુ ભર્યુ

લાલપુરના મોટાખડબા વાડી ખાતે એક આદીવાસી યુવાને ઝેરી દવા પી આપઘાત કરી લીધો હતો તેમની પત્ની ચારેક મહિના પહેલા પિયર ચાલી જતા આ બાબતનું મનમાં લાગી આવવાથી પગલુ ભરી લીધુ હતું.
લાલપુરના મોટાખડબા વાડી વિસ્તાર ખાતે રહેતા અને મુળ એમ.પી.ના કનોડ તાલુકાના જગવાડા ગામના વતની દિનેશ બહાદુરભાઇ ભાંભોર (ઉ.વ.૨૨) નામના યુવાનના આશરે દોઢેક વર્ષ પહેલા લગ્ન થયા હતા, દરમ્યાન બંને પતિ-પત્ની વચ્ચે મતભેદ થતા તેમની પત્ની આશરે ચારેક મહીના પહેલા તેને છોડીને પિયર જતી રહી હતી.
આ બાબતનું દિનેશભાઇને મનોમન લાગી આવતા પોતે ગઇકાલે મોટાખડબા વાડીએ રુમમાં જંતુનાશક દવા પી લેતા લાલપુર સરકારી હોસ્પીટલ સારવારમાં લઇ જવામાં આવેલ જયાં તબીબે તપાસીને મરણગયાનું જણાવ્યુ હતું, આ બનાવની જાણ બહાદુરભાઇ રતનશી ભાંભોર દ્વારા લાલપુર પોલીસ સ્ટેશનમાં કરવામાં આવી હતી.