તળાજા શહેરમાં રહેતા યુવાનને આજે વ્હેલી સવારે અચાનક છાતીમાં દુઃખાવો ઉપડતા તેણે સારવાર માટે હોસ્પિટલમાં ખસેડાતા જ્યાં ફરજ પરના તબીબે તેને તપાસી મૃત જાહેર કરતા તેના પરિવારમાં શોક છવાયો હતો.

ભાવનગર જિલ્લામાં નાની વયે હદયરોગના હુમલાથી મૃત્યુ થવાની ઘટના બની રહી છે. ત્યારે આજે તેમાં વધુ એક ઘટનાનો ઉમેરો થયો છે.

ઉપલબ્ધ પ્રથમિક વિગતો મુજબ તળાજા શહેરના દિનદયાળનગરમાં રહેતા ગોવિંદભાઇ આતુભાઇ રાઠોડ (ઉ. વ.૪૧)એ આજે વ્હેલી સવારે અચાનક છાતીમાં દુઃખાવો થયાની ફરિયાદ કરતા પરિવારજનો દ્વારા તેને તાત્કાલિક ૧૦૮મારફત સારવાર માટે તળાજાની સરકારી હોસ્પિટલમાં ખસેડાતા જ્યાં ફરજપરના તબીબે તેને તપાસી મૃત જાહેર કરતા ગોવિંદભાઇના પરિવારમાં શોક છવાયો હતો.