દ્વારકાના રૂપેણ બંદર વિસ્તારમાં રહેતા અને માછીમારીના વ્યવસાય સાથે સંકળાયેલા કાદરભાઈ ઈસ્માઈલભાઈ ભેસલીયા નામના ૪૯ વર્ષના મુસ્લિમ યુવાનના રવિવારે ફિશિંગના દંગામાં રાખેલા હોળીના યામાહા કંપનીના જુદા-જુદા બે મશીનની ચોરી થયાનું ખુલવા પામ્યું હતું.
આ પ્રકરણમાં કુલ રૂપિયા ૨,૮૯,૧૯૧ ની કિંમતના હોળીના બે મશીનની ચોરી થવા સબબ દ્વારકા પોલીસે કાદરભાઈ ભેસલીયાની ફરિયાદ પરથી અજાણ્યા શખ્સો સામે આઈ.પી.સી. કલમ ૩૭૯ મુજબ ગુનો નોંધી, તસ્કરોની શોધખોળ હાથ ધરી છે.
**
કલ્યાણપુર દ્વારકા પંથકના પોલીસની કાર્યવાહી
કલ્યાણપુર તાલુકાના ભોપાલકા ગામે રહેતા અનિરુદ્ધસિંહ સતુભા ચુડાસમા નામના ૪૨ વર્ષના શખ્સને પોલીસે લોખંડના પાઈપ સાથે નીકળતા ઝડપી લઇ, તેની સામે જી.પી. એક્ટની કલમ ૧૩૫ (૧) મુજબ ગુનો નોંધ્યો હતો.
દ્વારકા પોલીસે મોડી રાત્રિના સમયે જલારામ સોસાયટી વિસ્તારમાંથી અનિલ ભીખુભાઈ કોરડીયા નામના ૩૫ વર્ષના શખ્સને લપાતો, છુપાતો, દુકાનોના તાળા તપાસતા ઝડપી લઈ, તેની સામે જી.પી. એક્ટની કલમ ૧૨૨ (સી) મુજબ કાર્યવાહી કરી હતી.