રક્ષા મંત્રી રાજનાથ સિંહની અધ્યક્ષતામાં મળેલી DACની બેઠકમાં સોમવારે 144716 કરોડ રૂપિયાના 10 પ્રસ્તાવોને મંજૂરી આપવામાં આવી હતી. આમાંથી 99 ટકા ખરીદી સ્વદેશી સ્ત્રોતોમાંથી થશે.

સંરક્ષણ પ્રધાન રાજનાથ સિંહની આગેવાની હેઠળની ડિફેન્સ એક્વિઝિશન કાઉન્સિલ (ડીએસી) એ સંરક્ષણ ક્ષેત્રને મજબૂત કરવા માટે રૂ. 1.45 લાખ કરોડની 10 દરખાસ્તોને મંજૂરી આપી છે. આ અંતર્ગત ભવિષ્યમાં તૈયાર ફાઈટર જેટ, એર ડિફેન્સ ફાયર કંટ્રોલ રડાર, ડોર્નિયર-228 એરક્રાફ્ટ, નેક્સ્ટ જનરેશનના ફાસ્ટ પેટ્રોલિંગ વાહનો ખરીદવાની મંજૂરી આપવામાં આવી છે.

રક્ષા મંત્રી રાજનાથ સિંહની અધ્યક્ષતામાં મળેલી DACની બેઠકમાં સોમવારે 144716 કરોડ રૂપિયાના 10 પ્રસ્તાવોને મંજૂરી આપવામાં આવી હતી. તેમાંથી 99 ટકા પ્રાપ્તિ ભારતીય અને સ્વદેશી રીતે રચાયેલ, વિકસિત અને ઉત્પાદિત શ્રેણી હેઠળ સ્વદેશી સ્ત્રોતોમાંથી થશે.

FRCVની ખરીદીને પણ લીલી ઝંડી

ભારતીય સેનાના ટેન્ક ફ્લીટના આધુનિકીકરણ માટે ફ્યુચર રેડી કોમ્બેટ વ્હીકલ (FRCV)ની ખરીદીને પણ મંજૂરી આપવામાં આવી છે. એફઆરસીવી એફઆરસીવી તેજ ગતી વાળા, તમામ ભૂપ્રદેશ સક્ષમ યુદ્ધ ટેન્ક અને ચોક્કસ પ્રહાર કરવા સક્ષમ છે.

એટલું જ નહીં, એર ડિફેન્સ ફાયર કંટ્રોલ રડારની ખરીદી માટે પણ બેઠકમાં મંજૂરી આપવામાં આવી હતી. જે હવામાં ટાર્ગેટને શોધી, ટ્રેક કરવા અને નિશાન બનાવવામાં સક્ષમ હશે. ફોરવર્ડ રિપેર ટીમ (ટ્રેક)ની દરખાસ્તને પણ મંજૂરી આપવામાં આવી છે. સાધનસામગ્રી આર્મર્ડ વ્હીકલ કોર્પોરેશન લિમિટેડ દ્વારા ડિઝાઇન અને વિકસિત કરવામાં આવી છે, અને તે યાંત્રિક પાયદળ બટાલિયન અને આર્મર્ડ રેજિમેન્ટ બંને માટે છે.