ભાવનગર મહાનગરપાલિકા દ્વારા ગઈકાલે રીંગરોડ પર આવેલા મ્યુ. ની માલિકીના પ્લોટમાં ખડકાયેલા ઝુંપડા હટાવી પ્લોટને ઝુંપડામુક્ત કરાવાયો હતો. દરમ્યાનમાં શહેરના ઘોઘા રોડ, ગૌશાળાની પાછળ આવેલા રામદેવ નગરના રોડ પર કાચી દીવાલ તેમજ કાંટા સહિતની વાડ બનાવી દબાણ ઉભું કરવામાં આવ્યું હોવાનું તેમજ વરસાદી પાણીના નીકાલ માટેના વહેણ બંધ કરી દેવાયા સંદર્ભેની રજુઆત મહાપાલિકાના બિલ્ડીંગ વિભાગમાં થતા બિલ્ડીંગ વિભાગે કમિશ્નરને કરેલી જાણના આધારે આજે એસ્ટેટ વિભાગ અને દબાણ હટાવ સેલની ટીમે બિલ્ડીંગ વિભાગના અધિકારીઓને સાથે રાખી રોડ પર કરવામાં આવેલી કાચી દીવાલો તેમજ વાડ સહિતના દબાણો હટાવ્યા હતા. આ ઉપરાંત વરસાદી પાણીના નીકાલ માટેના વહેણ પર પણ થયેલું દબાણ દૂર કરવામાં આવ્યું હતું.