પોરબંદર પોલીસે વધુ એક વ્યક્તિનો ગુમ થયેલો મોબાઇલ શોધી આપ્યો છે.
જૂનાગઢ રેન્જના પોલીસ મહાનિરીક્ષક નિલેશ જાજડીયા તથા પોરબંદર પોલીસ અધિક્ષક ભગીરથસિંહ જાડેજા દ્વારા પોરબંદર જિલ્લામાં ચોરી તથા ગુમ થયેલ મોબાઇલ ફોન શોધી કાઢવા અંગેની ખાસ સુચના આપેલ જે અંગે પોરબંદર શહેર વિભાગના ઇ/ચા. નાયબ પોલીસ અધિક્ષક ઋતુ રાબા તથા હાર્બર મરીન પોલીસ સ્ટેશનના પોલીસ ઇન્સ્પેકટર એસ.ડી. સાળુંકેના માર્ગદર્શન હેઠળ હાર્બર મરીન પોલીસ સ્ટેશનના  વિસ્તારમાંથી ગુમ થયેલ મોબાઇલ શોધી કાઢી અરજદારને ‚બ‚ સોંપવામાં આવેલ છે. 
ગુમ થયેલ મોબાઇલ અંગે અરજદાર દ્વારા હાર્બર મરીન પોલીસ સ્ટેશન ખાતે કરવામાં આવેલ અરજી અન્વયે સરકાર દ્વારા વિકસાવવામાં આવેલ સી.ઇ.આઇ.આર. પોર્ટલ દ્વારા તથા ટેકનીકલ સર્વેલન્સની મદદથી અરજદાર પ્રફુલ્લકુમાર પરષોતમભાઇ મકવાણાનો સેમસંગ કંપનીનો મોબાઇલ જેની કિં. ૨૩ હજાર છે તે શોધી અરજદારને પરત સોંપેલ છે. 
આ કામગીરીમાં હાર્બર મરીન પોલીસ સ્ટેશનના પોલીસ ઇન્સ્પેકટર એસ.ડી. સાળુંકે, એ.એસ.આઇ. બી.ડી.વાઘેલા, પોલીસ હેડ કોન્સ. પી.એન. બંધીયા તથા આર.પી. ધારેચા રોકાયેલા હતા.