ચોટીલા શહેરમાં થાનરોડથી જલારામ મંદિરનાં ભારે વાહાન પ્રવેશ બધં માટે પાલિકા દ્રારા કરાયેલ લોખંડની કમાનને ત્રીજી વખત બેફામ બનેલા તોતિંગ વાહન ચાલકે તોડી પાડતા પકડી પાડવા માંગ ઉઠી છે.
મળતી માહિતી મુજબ જીલ્લ ા કલેકટરનાં જાહેરનામા મુજબ થાનરોડ થી જૂના બસસ્ટેન્ડ થી રાજકોટ જતો રોડ ભારે વાહાનો માટે પ્રવેશ બધં કરવામાં આવેલ હતો જેના માટે મોટા ભારે વાહાનને પ્રવેશતા અટકાવવા લોખંડનાં ગડરની કમાન પાકા આરસીસી પીલોર બનાવીને ઉભી કરાયેલ હતી આ કમાનને મોડી રાત્રીથી પરોઢ સુધી આ રોડ ઉપર ખનીજ વહન કરતા વાહનો દ્રારા અત્યાર સુધીમાં ત્રણ વખત તોડી પાડવામાં આવેલ છે. તાજેતરમાં ડમ્પર જેવા તોતિંગ વાહનનાં ચાલકે જાણી જોઈને એટલી જોરદાર ટક્કર મારી કે આરસીસીનાં બાંધકામવાળા પિંલોર પણ ફાટી ગયેલ છે. આવા કારનામા કરવાવાળા જાણે જાહેરનામાની ઐસી તૈસી કરતા હોય તેવા ખનીજ પરિવહન કરનાર વાહન ચાલક હોવાનું અને કોઈ કાયદાનો ડર શુધ્ધા ના હોય તેવું સાબિત કરતા હોય તેમ લાગે છે.
સતત ટ્રાફિકથી ધમધમતા રોડ ઉપર મોટા વાહનોને પ્રવેશ બંધના પ્રસિધ્ધ કરાયેલ જાહેરનામું ભગં કરવા ઇરાદાપૂર્વક જે રીતે કમાનને તોડી પાડવામાં આવ્યું છે તે ટક્કર મારનાર વાહન અને તેના ચાલકે પોલીસને અને તત્રં ને જાણે ખુલ્લ ો પડકાર આપ્યો હોય તેવો આ કિસ્સો ત્રીજી વાર પ્રકાશમાં આવ્યો છે. પાલિકાનાં વર્તુળમાંથી જાણવા મળ્યાં મુજબ સમગ્ર ઘટના અંગે સક્ષમ પોલીસ અધિકારીને લેખિત જાણ કરવામાં આવેલ છે તેમજ ઘટનાનાં સમયનાં આસપાસનાં તેમજ આ રોડ ઉપરનાં સીસીટીવી કેમેરાની તપાસ કરવામાં આવેતો ગુનેગાર પકડાઈ જવાની પુરી શકયતા છે અને આ કૃત્ય કરનાર સામે ગુનો દાખલ કરી ધોરણસરની કાર્યવાહી કરવાની પાલિકા દ્રારા માગણી કરાઇ છે