ભાવનગર એસઓજી પોલીસ મથકની ટીમે શંકાસ્પદ લોખંડના સળિયાનો જથ્થો ઝડપી લીધો હતો. એસઓજી પોલીસને મળેલી બાતમીના આધારે નારી ગામના તળાવ પાસે વાડીમાં રાખવામાં આવેલા સળિયાના જથ્થા ચિત્રા ખાતે રહેતા શખ્સને ઝડપી લીધો હતો. અને ૨૧,૭૦૦ કિલોગ્રામ લોખંડના સળિયાનો જથ્થો ઝડપી કાર્યવાહી હાથ ધરી હતી.

આ અંગે એસઓજી પોલીસ મથક ખાતેથી મળતી માહિતી અનુસાર સ્પેશલ ઓપરેશન ટીમ શહેરી વિસ્તારમાં પેટ્રોલિંગમાં હતા. તે દરમિયાન ખાનગી રહે બાતમી મળી હતી. કે નારી ગામ તળાવ નજીક વાડીમાં એક શખ્સ પાસે રહેલો લોખંડના સળિયાનો જથ્થો શંકાસ્પદ રીતે રાખેલો છે. જે બાતમીના આધારે પોલીસે તપાસ કરતા શહેરના ચિત્રા, ભરવાડ શેરી ખાતે રહેતો ભરતભાઈ કાનાભાઈ આલગોતર (ઉ.વ.૩૯)એ નારી ગામે તળાવની પાછળ આવેલ પોતાની વાડીએ બીલ કે આધાર વિના લોખંડના સળિયાનો જથ્થો રાખ્યો હોવાની બાતમીના આધારે ભાવનગર સ્પેશિયલ ઓપરેશન ગ્રુપની ટીમે દોડી જઈ તપાસ કરતા ૨૧,૭૦૦ કિલો જેની કિંમત કિંમત રૂપિયા ૧૦,૮૫,૦૦૦ ના શંકાસ્પદ હાલતમાં સળિયાનો જથ્થો ઝડપી લીધો હતો. અને શખ્સને લોખંડના સળિયાના જથ્થા સાથે અટક કરી વરતેજ પોલીસ મથક ખાતે સોંપી આપી ધોરણસરની કાર્યવાહી હાથ ધરી હતી.