નામ બદલાવી હિન્દુ વિધવા મહિલાનું લગ્નનની લાલચ આપી આઠ વર્ષથી યૌન શોષણ કરનાર કુખ્યાત યાસીન ઉર્ફે ભુરા સામે અંતે મહિલાએ ફરિયાદ નોંધાવતા પોલીસે ગુનો નોંધ્યો છે.આરોપી નાસી ગયો હોય પોલીસે તેને ઝડપી લેવા તપાસ હાથ ધરી છે.દુષ્કર્મના આ બનાવ અંગે વિધવા મહિલા દ્વારા મહિલા પોલીસ મથકમાં નોંધાવવામાં આવેલી ફરિયાદમાં આરોપી તરીકે રાજકોટના જામનગર રોડ પરના સ્લમ કવાર્ટર સામે લખા બાપાની વાડીમાં આવેલા મકાનમાં રહેતાં અને થોડા સમય પહેલાં જ ગુજસીટોકમાં જામીન પર છુટેલા યાસીન ઉર્ફે ભુરો ઓસમાણ કૈયડાનું નામ આપવામાં આવ્યું છે.
મહિલાએ પોતાની ફરિયાદમાં જણાવ્યું કે, 18 વર્ષ પહેલા તેણે લવમેરેજ કયર્િ હતા. સંતાનમાં એક પુત્રની પ્રાપ્તી થઈ હતી. પુત્ર જયારે દોઢ વર્ષનો હતો ત્યારે પતિએ આપઘાત કરી લીધો હતો. ત્યારથી પુત્ર સાથે પિયરમાં રહેવા જતી રહી હતી.આઠેક વર્ષ પહેલાં મોબાઈલ રીચાર્જ કરાવવા ગઈ ત્યારે યાસીન ઉર્ફે ભુરાનો પરિચય થતાં મોબાઈલ નંબરની આપ-લે થઈ હતી.બાદમાં અવાર-નવાર તેની સાથે વાતચીત કરતી હતી. એકબીજાને રૂબરૂ પણ મળતા હતા.તેનો પુત્ર પણ મળતો હતો. એક દિવસ પુત્રએ કહ્યું કે મમ્મી હું આને ડેડી કહીને બોલાવું. જેને કારણે તેને પણ યાસીન ઉર્ફે ભુરા પ્રત્યે લાગણી થતાં તેનું નામ પૂછતાં રાહુલ કહ્યું હતું. એટલું જ નહીં પોતે હિન્દુ હોવાનું અને છૂટાછેડા થઈ ગયાનું કહ્યું હતું. સાથો-સાથ પોતાના પરિવારના સભ્યો સાથે પણ મુલાકાત કરાવી હતી. બાદમાં કહ્યું કે આપણે રીલેશનશીપમાં રહી બાદમાં લગ્ન કરી લઇશું.
લગ્નની લાલચ આપી મરજી હોય કે ન હોય તો પણ ધરાર શરીર સંબંધ બાંધતો હતો.ત્યારબાદ યાસીન ઉર્ફે ભુરાની ગુજસીટોકમાં અટકાયત થઈ હતી.જેમાં સાડા ત્રણ વર્ષ સુધી જેલમાં રહ્યો હતો. થોડા સમય પહેલાં જેલમાંથી છુટી ઘરે આવ્યો ત્યારે પરિવારના સભ્યોએ તેના વિશે મોબાઈલ ફોનમાં કોઈની સાથે વાતચીત કરતી હોવાની ચડામણી કરતાં તેની ઉપર શંકા-કૂશંકા કરી મારકૂટ શરૂ કરી દીધી હતી. તે નાના મોટા કામ કરી જે પણ કમાતી તે યાસીન ઉર્ફે ભુરો બળજબરીથી લઈ વાપરી નાખતો હતો. લગ્નનું કહેતાં બહાના બતાવતો હતો. ફરીથી તેને લગ્ન કરવાનું કહેતાં ગાળો ભાંડી, મારકૂટ કરી હતી.જેથી કંટાળી જઇ અંતે મહિલાએ આ ફરિયાદ કરતા પોલીસે આરોપી સામે ગુનો નોંધી તેને ઝડપી લેવા તપાસ હાથ ધરી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકોલકાત્તા દુષ્કર્મ કેસ: આરજી કર હોસ્પિટલના જુનિયર ડોક્ટરોની હડતાળ સમાપ્ત
September 19, 2024 10:58 PM'તમામ હદ પાર', હિઝબુલ્લા ચીફની ધમકી બાદ પણ ન માન્યું ઇઝરાયેલ, બેરુતને હચમચાવી નાખ્યું
September 19, 2024 10:15 PMતિરુપતિ મંદિરના પ્રસાદમાં જાનવરોની ચરબી, લેબ રિપોર્ટમાં ખુલાસો, ફિશ ઓઈલ મેળવવાની પુષ્ટિ
September 19, 2024 10:13 PMબાંગ્લાદેશ હિંસામાં નવ લઘુમતીઓના મોત, 69 પૂજા સ્થાનો પર તોડફોડ, ચોંકાવનારા આંકડા આવ્યા સામે
September 19, 2024 10:12 PMCopyright © 2023-2024 Aajkaal Daily
Developed by Rhythm Infotech