સાઉદી અરેબિયાના કિંગ સલમાન બિન અબ્દુલ અઝીઝ અલ સાઉદની તબિયત અચાનક બગડી ગઈ છે. તેને ફેફસામાં ચેપ લાગ્યો છે અને તેની એન્ટિબાયોટિક સારવાર ચાલી રહી છે. રોયલ કોર્ટે કિંગના સ્વાસ્થ્ય અંગે વિગતો આપી હતી. આ પહેલા શાહ સલમાનને તાવ અને સાંધાના દુખાવાની ફરિયાદ હતી. આ માટે તેમનો મેડિકલ ટેસ્ટ જેદ્દાહના અલ–સલામ પેલેસમાં કરવામાં આવશે એક મહિનાથી ઓછા સમયમાં આ બીજી વખત છે યારે ૮૮ વર્ષીય રાજાની તબિયત અચાનક બગડી છે.

રવિવારે હાથ ધરવામાં આવેલા પરીક્ષણોમાં જાણવા મળ્યું છે કે રાજાને ફેફસામાં ચેપ છે અને યાં સુધી બળતરા દૂર ન થાય ત્યાં સુધી ડોકટરો એન્ટિબાયોટિક સારવાર પર વિચાર કરી રહ્યા છે.કિંગ સલમાન ૨૦૧૫ થી સિંહાસન પર છે, જોકે તેમના પુત્ર, ૩૮ વર્ષીય મોહમ્મદ બિન સલમાનને ૨૦૧૭માં ક્રાઉન પ્રિન્સ બનાવાયો હતો અને તે શાસક તરીકે સેવા આપે છે. વિશ્વનો સૌથી મોટો ક્રૂડ ઓઈલ નિકાસકાર સાઉદી અરેબિયા વર્ષેાથી કિંગ સલમાનની તબિયતને લઈને અટકળોને શાંત કરવાનો પ્રયાસ કરી રહ્યું છે.

કિંગના સ્વાસ્થ્ય અંગે ચિંતા વધી
રાજાના સ્વાસ્થ્ય વિશે ભાગ્યે જ ચર્ચા કરવામાં આવે છે, પરંતુ રોયલ કોર્ટે એપ્રિલમાં જાહેર કયુ હતું કે તેમને નિયમિત તપાસ માટે કિંગ ફૈઝલ સ્પેશિયાલિસ્ટ હોસ્પિટલમાં દાખલ કરવામાં આવ્યા હતા. અગાઉ, તેઓ મે ૨૦૨૨ માં હોસ્પિટલમાં દાખલ થયા હતા, યારે તેઓ કોલોનોસ્કોપી માટે ગયા હતા.કિંગ સલમાને ૨૦૨૦ માં તેમના પિત્તાશયને દૂર કરવા માટે સર્જરી કરાવી હતી. તેમને માર્ચ ૨૦૨૨માં પણ હોસ્પિટલમાં દાખલ કરવામાં આવ્યા હતા. કિંગ સલમાને દાયકાઓ સુધી રિયાધના ગવર્નર અને સંરક્ષણ પ્રધાન તરીકે સેવા આપી છે