રાજય સરકાર દ્રારા કર્મચારીઓને દિવાળીની રજાનો સળગં લાભ મળી રહે એ માટે તા.૧ નવેમ્બરને શુક્રવારના રોજ સત્તાવાર રજા જાહેર કરાઇ છે જેથી હવે સરકારી કર્મચારીઓને દિવાળીથી ભાઇબીજ સુધી ચાર રજાઓનો લાભ મળશે. સરકારે કર્મચારીઓને રજાની દિવાળી ભેટ આપતા કર્મચારીઓમાં ખુશીનો માહોલ છવાઇ ગયો છે.
રાજય સરકારના સામાન્ય વહિવટ વિભાગ દ્રારા જાહેર થયેલા પત્રમાં તા.૩૧ને ગુરૂવારના રોજ દિવાળીની રજા, તા.૨–૧૧ને શનિવારના રોજ નૂતન વર્ષ તથા તા.૩ને રવિવારે રેગ્યુલર રજા ભાઇબીજની હતી, માત્ર વચ્ચે એક દિવસ તા.૧ના રોજ શુક્રવારના કચેરીઓ ચાલુ રખાઇ હતી. જેમાં ફેરફાર કરી તા.૧ના રોજ પણ સરકાર દ્રારા સત્તાવાર રજા જાહેર કરાઇ છે. દિવાળી પર્વમાં સરકારી કર્મચારીઓ–અધિકારીઓ સળગં ચાર દિવસ તહેવાર માણી શકે તેવા હેતુસર તા.૧ના રોજ રજા જાહેર કરાઇ છે. જેના પગલે તા.૯ને બીજા શનિવારના રોજ ફરજ બજાવવાની રહેશે તેવું જાહેર કરાયું છે