શાપરમાં પેટ્રોલ પંપ સંચાલકને રસ્તામાં આંતરી છરી બતાવી રોકડ .૧.૦૫ લાખ,એકટિવા અને મોબાઇલ ફોનની લુંટ ચલાવામાં આવી હતી.શાપર પોલીસ ઉપરાંત એલસીબી અને એસઓજીની ટીમે તપાસ હાથ ધરી ગણતરીની કલાકોમાં આ લુંટનો ભેદ ઉકેલી નાખી પપં કર્મી સહિત ચારને ઝડપી લીધા હતાં.જેમાં બે સગીરનો પણ સમાવેશ થાય છે.પોલીસે તેમની પાસેથી લુંટનો તમામ મુદામાલ ઉપરાંત કાર કબજે કરી હતી.પંપમાં કામ કરતા શખસે જ મિત્રોને લુંટ અંગે ટીપ આપી હતી.
કાંગશિયાળીમાં એકલાન્ટીસ એપાર્ટમેન્ટમાં રહેતા અને ગોંડલ રોડ પર ઓમ પેટ્રોલિયમ નામનો ભાગીદારીમાં પેટ્રોલ પપં ચલાવનાર હર્ષદભાઈ હરિભાઈ કાલરીયા (ઉ.વ ૫૬) શનિવારે રાત્રિના નવેક વાગ્યે આસપાસ પેટ્રોલ પંપથી હિસાબની રકમ લઇ પોતાના એકટીવા પર જઈ રહ્યા હતા ત્યારે શાપર વેરાવળમાં જ એકટીવા પર ધસી આવેલા ત્રણ શખસોએ પેટ્રોલ પપં સંચાલકના એકટીવા આગળ પોતાનું એકટીવા આડુ નથી છરી બતાવી ધમકી આપી એકટીવા તથા તેની ડેકીમાં રાખેલા રોકડ પિયા ૧.૦૫ લાખ અને મોબાઇલની લૂંટ ચલાવી નાસી ગયા હતા.
લૂંટની આ ઘટનાને લઇ સ્થાનિક પોલીસ ઉપરાંત એલસીબી અને એસઓજી ટીમો તપાસમાં લાગી હતી. દરમિયાન પોલીસે ગોંડલ રોડ પર સ્વીફટ કારમાંથી શાહખ અકબરઅલી અંસારી(ઉ.વ ૨૨ રહે. પ્રણામી ચોક, રાજકોટ) અને રાહીલ હમીરભાઇ નારેજા (ઉ.વ ૧૯ રહે. રસુલપરા શેરી નંબર ૧૭, કોઠારીયા) તેમજ બે સગીરને ઝડપી લઇ લૂંટના આ બનાવવાનો ભેદ ગણતરીની કલાકોમાં ઉકેલી નાખ્યો હતો.
પોલીસે જણાવ્યું હતું કે, આરોપીઓ પૈકી રાહીલ નારેજા અહીં પંપમાં જ નોકરી કરતો હોય તેણે લૂંટ અંગે ટીપ આપી હતી. જેના આધારે આરોપી શાહખ અને બે સગીરે એકટીવા પર જઈ આ લૂંટ ચલાવી હતી. બાદમાં આ તમામ આરોપીઓ કારમાં જતા હતા દરમિયાન પોલીસે તેમને ઝડપી લઈ તેમની પાસેથી રોકડ પિયા ૧.૦૫ લાખ એકટીવા અને મોબાઈલ તેમજ ગુનામાં ઉપયોગમાં લીધેલ આ કાર પણ કબજે લીધી હતી.
આ કામગીરીમાં ગ્રામ્ય એલસીબી પાઆઇ વી.વી.ઓડેદરા પીએસઆઇ એચ.સી.ગોહિલ, એસઓજીના પીઆઇ એફ.એ.પારગી,પીએસઆઇ બી.સી.મિયાત્રા તથા શાપર વેરાવળ પોલીસ મથકના પીઆઇ આર.બી.રાણા અને પીએસઆઇ જી.બી.જાડેજા તથા સ્ટાફ તપાસમાં સાથે રહ્યો હતો.