વીંછિયા તાલુકાના દડલી ગામે રહેતા સચિન રમેશભાઈ વાળા(ઉ.વ 35) નામના યુવાને અહીં ગામની સીમમાં આવેલી વાડીએ ઝેરી દવા પી લેતા તેને સારવાર માટે રાજકોટ સરકારી હોસ્પિટલ ખસેડવામાં આવ્યો હતો. યુવાન ચાર ભાઈ એક બહેનના પરિવારમાં મોટો છે તે મજૂરીકામ કરી પરિવારનું ગુજરાન ચલાવે છે. યુવાનને દારૂ પીવાની કુટેવ હોય જેથી આ બાબતે પરિવારજનોએ ઠપકો આપતા લાગી આવતા આ પગલું ભરી લીધું હોવાનું માલુમ પડ્યું છે. જ્યારે અન્ય એક બનાવમાં કોટડા સાંગાણી તાલુકાના પડવલા ગામે રહેતા અનિલ જતીનભાઈ (ઉ.વ 20) નામના યુવાને ગામની સીમમાં આવેલી વાડીએ ગઈકાલ બપોરના સમયે અગમ્ય કારણોસર ઝેરી દવા પી આપઘાતનો પ્રયાસ કર્યો હતો.