રાજકોટના બેડી માર્કેટ યાર્ડમાં આગામી તા.૨૬થી ૩૧ માર્ચ સુધી માર્ચ એન્ડિંગની રજાઓ પડે તે પૂર્વે ખેડૂતો પુષ્કળ માત્રામાં જણસીઓ ઠાલવી રહ્યા છે, દરમિયાન ગઇકાલે રેકોર્ડબ્રેક આવક થતા આજથી મુખ્ય જણસીઓની આવક બંધ કરાઇ છે.

વિશેષમાં રાજકોટના બેડી માર્કેટ યાર્ડના વેપારી વર્તુળોએ જણાવ્યું હતું કે ઘઉં, ધાણા, જીરૂં, મરચા સહિતની તમામ મુખ્ય જણસીઓની આવક હાલ બંધ કરાઇ છે, જ્યાં સુધી ઉપલબ્ધ જથ્થાનો નિકાલ ન થાય અને નવી જાહેરાત ન કરાય ત્યાં સુધી નવી આવકો બંધ રહેશે.

દરમિયાન શાકભાજી વિભાગમાં આવકો જળવાયેલી રહી છે પરંતુ ઉનાળાના આરંભે ભાવમાં ઉત્તરોતર વધારો થઇ રહ્યો છે.