ઘરઘાટી તરીકે કામ પર રાખેલ પરપ્રાંતિય અથવા અન્ય જિલ્લાના વ્યક્તિની વિગતો માલિકે સબંધિત પોલીસ સ્ટેશનમાં આપવાની રહેશે

November 08, 2024 06:41 PM

હાલના પ્રવર્તમાન સંજોગોમાં અનેક ઘર માલિકો પોતાના ઘરે ઘરકામ માટે ઘરઘાટીઓ રાખે છે. મોટા ભાગે આવા ઘરઘાટીઓ પરપ્રાંત તથા બીજા જિલ્લાના હોય છે. તેઓ અવાર-નવાર જે જગ્યાએ કામ કરે છે તે જગ્યાએ અગર આજુ બાજુમાં રહેતા લોકોના ઘરમાં અને ધંધાના સ્થળે જઈ ચોરી, લુંટ, ગંભીર પ્રકારના હુમલા કરી લોકોની જીંદગીની ખુંવારી થાય અથવા લોકોની સંપતિને નુકશાન થાય તેવુ કૃત્ય કરે છે. આવા ઘરઘાટીઓ ગંભીર પ્રકારના ગુન્હા કરી નાસી જાય છે. ઘરઘાટીને નોકરીએ રાખનાર માલિક પાસે આવા ઘરઘાટીના ટુંકા નામ સિવાય વિશેષ કોઈ માહિતી હોતી નથી, જેને કારણે આવા ગુન્હેગાર ઘરઘાટીઓને પકડવાનું અને ગુન્હો શોધવાનું મુશ્કેલ બને છે. તેથી કાયદો અને વ્યવસ્થા તેમજ લોકોની જીંદગીની અને સંપતિની સલામતિ જળવાઈ રહે તે માટે પરપ્રાંત તથા બીજા જિલ્લાના લોકોને ઘરઘાટી તરીકે રાખતા માલિકો ઉપર નિયંત્રણ મુકવા અધિક જિલ્લા મેજિસ્ટ્રેટ ભાવેશ ખેર દ્વારા જરૂરી પ્રતિબંધો ફરમાવતું જાહેરનામુ બહાર પાડવામાં આવેલ છે. જે અનુસાર જામનગર જિલ્લામાં કોઈપણ વ્યકિત પોતાના ઘરમાં પરપ્રાંતના તથા બીજા જિલ્લાના હોય તેવા વ્યકિતને કામ માટે રાખે ત્યારે તેણે નીચે જણાવેલ જરૂરી વિગતો અને આધારો સબંધિત પોલીસ સ્ટેશનને રૂબરૂમાં અગર તો ટપાલથી મોકલી આપવાના રહેશે.

ઘરઘાટીનું પુરૂ નામ, સરનામું, ઉમર, (ફોટો આઈ.ડી. પ્રુફની નકલ સાથે), ઘરઘાટીનું હાલનું રહેણાંકનું સરનામુ તથા મોબાઈલ નંબર કે સંપર્ક નંબર, તેની સાથે બીજા માણસો રહેતા હોય તો તેના નામ-સરનામા, જેના ઘરે ઘરઘાટી કામ કરતા હોય તે માલીકનું નામ-સરનામું, કોઈ મારફતે ઘરઘાટી તરીકે રાખેલ હોય તો તેવા મધ્યસ્થીનું નામ-સરનામુ, અગાઉ ઘરઘાટી તરીકે કોઈ જગ્યાએ કામ કરેલ હોય તો તેના માલિકનુ નામ-સરનામુ, સ્થાનિકમાં ઘરઘાટીના ઓળખીતા રહેતા હોય તો તેના નામ-સરનામા અને ફોન નંબર, ઘરઘાટીના વતનનું પુરૂ સરનામું, વતનમાં રહેતા માતા, પિતા, ભાઈ, બહેનની વિગત, પરણિત હોય તો પત્ની/પતિનું તથા સસરાનું સરનામું, ઘરઘાટીની ઉચાઈ, દેખાવનું વર્ણન, અભ્યાસ તથા ઓળખી શકાય તેવી શારીરીક કોઈ નિશાની પૈકી શકય હોય તેટલી વિગતો આપવી.

આ હુકમનો ભંગ કે ઉલ્લંઘન કરનાર શિક્ષાને પાત્ર થશે.આ હુકમ તા.૨૮/૧૦/૨૦૨૪ થી તા.૨૭/૧૨/૨૦૨૪ સુધી અમલમાં રહેશે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

Recent News

Gujarat's No. 1 evening newspaper