જામનગરમાં નાગનાથ ગેઇટ ચોકડી પાસેથી આશરે ૫૫ વર્ષની વયના એક અજ્ઞાત પુરુષનો મૃતદેહ સાંપડ્યો છે. પોલીસે તેનો કબજો સંભાળી લઈ વધુ તપાસ હાથ ધરી છે.

જામનગરના લંઘાવાડના ઢાળીયા વિસ્તારમાં રહેતા અને નાગનાથ ગેઇટ સર્કલમાં દુકાન ચલાવતા સદ્દામ હુસેન અબ્દુલકાદર સંધી નામના વેપારીએ સીટી બી. ડિવિઝન પોલીસને જાણ કરી હતી, કે નાગનાથ ગેઇટ ચોકડી પાસે આશરે ૫૫ વર્ષની વયના એક અજ્ઞાત પુરુષ નો મૃતદેહ પડ્યો છે.

જે માહિતીના આધારે સીટી બી. ડિવિઝન ના  પોલીસ સ્ટાફે સ્થળ પર દોડી જઇ મૃતદેહ નો કબજો સંભાળ્યો છે, અને જામનગરની સરકારી જી.જી. હોસ્પિટલમાં પોસ્ટ મોર્ટમ કરાવાયા પછી તેની ઓળખ કરવા માટે મૃતદેહ ને કોલ્ડ રૂમમાં રાખ્યો છે.