ટ્રેન આવતા પુલ પરથી કુદી જતા બનેલો બનાવ: ઓળખ મેળવવા તજવીજ

ધ્રોલના જુના ખીજડીયા ગામ પાસે ઉંડ નદીના રેલ્વેના પુલ નીચે પટકાયેલા યુવાનનું મૃત્યુ નિપજયું છે, મરનાર યુવાનની ઓળખ મેળવવા સહિતની કાર્યવાહી હાથ ધરવામાં આવી છે.

ધ્રોલના જુના ખીજડીયા ગામ પાસે પુલ નીચે પાણીમાં મૃતદેહ પડયો હોવાની વિગતો જાણવા મળતા ધ્રોલની પોલીસ ટુકડીી સ્થળ પર દોડી ગઇ હતી અને તપાસ આગળ ધપાવી હતી.

દરમ્યાનમાં વિરાણી ખીજડીયા ગામ ખાતે રહેતા ખેતી કામ કરતા મહેન્દ્રસિંહ ઉર્ફે પિન્ટુભા રણજીતસિંહ જાડેજાએ ગઇકાલે ધ્રોલ પોલીસ સ્ટેશનમાં જાણ કરી હતી કે, તા. 2 સવારના સુમારે કોઇ અજાણ્યો પુષ આશરે 35 થી 40 વર્ષનો જુના ખીજડીયા ગામ પાસે આવેલ ઉંડ નદીના રેલ્વેના પુલ ચાલીને જતો હતો.

એ દરમ્‌યાન ટ્રેન આવતા પુલ પરથી કુદી જતા પાણીમાં પડી જતા ઇજા થવાથી મૃત્યુ નિપજયું હતું. આ વિગતોના આધારે ધ્રોલ પીએસઆઇ પી.જી. પનારા તપાસ ચલાવી રહયા છે, મરણજનાર અંગે પોલીસ દ્વારા ઓળખ મેળવવા સહિતની કાર્યવાહી ચલાવવામાં આવી રહી છે.