શિયાળાની સવારે લોકોને વહેલા ઉઠવામાં આળસ થતી હોય છે. ઠંડીના કારણે  લોકો બહાર નીકળવાનું ટાળતા હોય છે. પરંતુ સૂરજદાદા તેની ફરજ નિષ્ઠાથી બજાવીને સમયસર ઉગી જાય છે. સવાર-સવારમાં સૂરજદાદાના કુમળા તડકાથી તન અને મનને તંદુરસ્તી મળે છે અને વિનામૂલ્યે મળતી આ તંદુરસ્તી પ્રાપ્ત કરવાના બદલે લોકો મોડા ઉઠવાનું પસંદ કરતા હોય છે. આ તસ્વીર પોરબંદરના અસ્માવતી રીવરફ્રન્ટ ઉપર સવારે સૂર્યોદય વખતે લેવાયેલી છે કે જેમાં સૂરજદાદા નભોમંડળમાં ઉજાસ પાથરી રહ્યા છે તેની અસર રીવરફ્રન્ટના પાણીમાં પણ દેખાઇ રહી છે. સાથોસાથ જાંબલી રંગના ફૂલો નવપલ્લવિત થઇને ખીલી ઉઠયા હોવાથી રીવરફ્રન્ટનું સૌન્દર્ય પણ વધુ ખીલેલુ દ્રષ્ટિગોચર થઇ રહ્યુ છે.