દિવાળીના તહેવાર અનુસંધાને પોરબંદરના માર્કેટિંગ યાર્ડમાં અનાજ વિભાગ અઠવાડિયા સુધી અને શાકભાજી તથા ફ્રુટ વિભાગ બે દિવસ સુધી બંધ રહેશે તેવી જાહેરાત કરવામાં આવી છે. 
પોરબંદર માર્કેટિંગ યાર્ડના આસિસ્ટન્ટ સેક્રેટરી હમીરભાઈ કેશવાલા એ જણાવ્યું છે કે આગામી દિપાવલીના તહેવાર નિમિત્તે અનાજ વિભાગમાં તારીખ ૩૦/ ૧૦ ને બુધવારથી તારીખ ૫/ ૧૧ ને મંગળવાર સુધી અનાજ વિભાગમાં હરરાજીનું કામકાજ બંધ રહેશે અને તારીખ ૬ /૧૧ ને લાભ પાચમથી કામકાજ રાબેતા મુજબ ચાલુ રહેશે.
એ જ રીતે ફ્રુટ વિભાગ અને શાકભાજી વિભાગમાં તારીખ ૨/૧૧ અને શનિવાર તથા તારીખ ૩/૧૧ અને રવિવારના રોજ નુતન વર્ષ તથા ભાઈબીજના દિવસે હરરાજીનું કામકાજ બંધ રહેશે જેની સર્વે વેપારીઓ, ધંધાર્થીઓ ખેડૂતો એ નોંધ લેવી તેમ જણાવ્યું છે.