વરતેજ પોલીસ મથકમાં નોંધાયેલા કાયદેસરના વાલીપણાંમાંથી લગ્નના ઇરાદે અપહરણના ગુન્હામાં આરોપીને ગણતરીના કલાકોમાં એલસીબીએ ભોગ બનનાર સાથે  ઝડપી લોધો હતો.
ભાવનગર  એલ.સી.બી. સ્ટાફના માણસો ભાવનગર શહેર વિસ્તારમાં પેટ્રોલીંગ માં હતાં.તે દરમ્યાન બાતમી મળેલ કે વરતેજ પોલીસ મથકમાં નોંધાયેલા કાયદેસરના વાલીપણાંમાંથી લગ્નના ઇરાદે અપહરણના ગુન્હાના આરોપી રવી ઉર્ફે શેરો નટુભાઇ બારૈયા રહે.કરચલીયા પરા, ભાવનગર તેના રહેણાંક મકાન પાસે ભોગ બનનાર સહિત હાજર છે. જે બાતમી આધારે સ્ટાફના માણસોએ બાતમીવાળી જગ્યાએ આવતાં આરોપી તથા ભોગ બનનાર હાજર મળી આવેલ. જેથી તેના વિરૂધ્ધ કાયદેસર કાર્યવાહી કરી વરતેજ પોલીસ મથકમાં   નોંધાયેલા  ગુન્હાની તપાસ ભાવનગર  સી.પી.આઇ.  ચલાવતાં હોય. જેથી આરોપીને ગણતરીના કલાકોમાં જ  રવી ઉર્ફે શેરો નટુભાઇ બારૈયા (ઉ.વ.૩૩ રહે.કરચલીયા પરા, ભાવનગર)ને ઝડપી લીધો હતો.
ઝડપાયેલા આરોપી સામે વરતેજ પોલીસ મથકના એ પાર્ટ ગુ.ર.નં. ૧૧૧૯૮૦૬૭૨૪૦૭૨૭ ઇ.ગ.જ. એકટની કલમ:-૧૩૭ (૨), ૮૭ મુજબનો ગુન્હો નોંધાયો હતો.
આ કામગીરીમાં  પોલીસ ઇન્સ. એ.આર.વાળાના માર્ગદર્શન હેઠળ સ્ટાફના વનરાજભાઇ ખુમાણ, બાવકુદાન કુંચાલા, જયદિપસિંહ ગોહિલ અને જાગૃતિબેન કુંચાલા સહિતના જોડાયા હતા.