સરકારી નોકરીની તૈયારી કરતા ઉમેદવાર માટે સારા સમાચાર સામે આવી રહ્યા છે. જેમાં ગૌણ સેવા પસંદગી મંડળ દ્રારા અલગ-અલગ કેડરની કુલ 4300 જેટલી જગ્યાઓ પર ભરતીની જાહેરાત કરવામાં આવી છે. આવતીકાલે બપોરથી ઓનલાઇન ફોર્મ ભરાવવાના ચાલુ થઈ જશે. આ ફોર્મ 31 જાન્યુઆરી સુધી ફોર્મ ભરી શકાશે.

ગુજરાતમાં સ્પર્ધાત્મક પરીક્ષાની તૈયારી કરતા ઉમેદવારો માટે સારા સમાચાર આવ્યા છે. ગૌણ સેવા પસંદગી મંડળ દ્વારા સરકારના વિવિધ વિભાગોમાં ખાલી પડેલી જગ્યાઓ માટે ભરતીની જાહેરાત કરવામાં આવી છે. ગૌણ સેવા પસંદગી મંડળ દ્રારા અલગ અલગ કેડરની કુલ 4300 જેટલી જગ્યાઓ પર ભરતી જાહેર કરાઈ છે. 4300 જેટલી જગ્યાઓ માટે આવતીકાલે બપોરથી ઓનલાઇન ફોર્મ ભરવાની શરૂઆત થઈ જશે. જે 31 જાન્યુઆરી સુધી ફોર્મ ભરી શકાશે.

22 કેડર માટે ભરતી જાહેર

રાજ્ય સરકાર દ્વારા અગાઉ જ મોટી સંખ્યામાં ભરતી અંગે જાહેરાત કરી હતી. જો કે ત્યારથી જ ઉમેદવારો આ ભરતીની રાહ જોવામાં આવી રહી હતી. લાંબા સમયથી મોટી સંખ્યામાં સરકારી ભરતી માટે રાહ જોતા ઉમેદવારોની પ્રતીક્ષા આજે પુરી થઈ છે. ભરતી અંગે આખરે જાહેરાત કરવામાં આવી છે, રાજ્ય ગૌણ સેવા પસંદગી મંડળે 4300 જગ્યાઓ માટે ભરતી જાહેર કરી છે. ગૌણ સેવા પસંદગી મંડળ એડ નંબર 212માં 4300 પોસ્ટ ભરતીની જાહેરાત છે, જેમાં જુનિયર ક્લાર્ક,હેડ ક્લાર્ક,ઓફિસ આસિસ્ટન્ટ સિનિયર ક્લાર્ક સહિત આશરે 22 કેડરમાં ભરતી થશે. તારીખ 4 જાન્યુઆરી બપોરે 2:00 વાગ્યાથી ઓનલાઇન ફોર્મ ભરવાનું શરૂ થશે. તારીખ 31 જાન્યુઆરી રાત્રિના 23:59 સુધી ફોર્મ ભરી શકાશે.