ખંભાળિયા કેમિસ્ટ એન્ડ એસોસિએશનની સામાન્ય સભા તાજેતરમાં પ્રમુખ હિતેશભાઈ ગોકાણીના અધ્યક્ષ સ્થાને યોજવામાં આવી હતી. આ મહત્વની બેઠકમાં સંસ્થાના પ્રમુખ હિતેશભાઈ ગોકાણીએ જણાવ્યું હતું કે આગામી લોકસભાની ચૂંટણીના આ મહાપર્વમાં આગામી તારીખ 7 મે ના રોજ એસોસિએશન તથા પરિવારજનો ઉપરાંત તેમના સાથી કર્મચારીઓ અને સગા સંબંધીઓ તેમજ મિત્ર મંડળને પણ મતદાન કરવા સૌ પ્રોત્સાહિત કરીએ. આમ, મહત્તમ મતદાન થાય તેવી ખાતરી આ બેઠકમાં મોટી સંખ્યામાં ઉપસ્થિત સર્વે કેમિસ્ટ વેપારીઓ દ્વારા એસોસિએશનના પ્રમુખને આપી અને દરેકને મતદાન કરવા પ્રોત્સાહિત કરવાના શપથ લીધા હતા.